Facebook ត្រៀមចេញមុខងារថ្មី ទោះពិការភ្នែកក៏អាចប្រើបាន

2016-04-05 21:12:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើម្បីពង្រីកនូវដែនវិសាលភាពរបស់ខ្លួន ក្រុមហ៊ុន Facebook បានបង្កើតមុខងារថ្មីដ៏ពិសេសម្យ៉ាងដែលហៅថា automatic alternative text ឬការអានដោយស្វ័យប្រវត្តិ ដែលមុខងារនេះអាចអនុញ្ញាតឲ្យអ្នកពិការភ្នែកអាចប្រើប្រាស់នូវបណ្ដាញសង្គមយក្សមួយនេះបាន។

មុខងារថ្មីនេះនឹងអានរាល់រូបភាពដែលមានលើ Wall នៃគណនីនីមួយៗ។ ឧទាហរណ៍ ប្រសិនបើជារូបភាពនៃម្ហូប សត្វ ឬអាកាសធាតុ នោះវានឹងប្រាប់តាមមុខម្ហូប ប្រភេទសត្វ និងប្រភេទនៃអាកាសធាតុនោះផងដែរ។ រូចហើយមុខងាថ្មីនេះក៏អាចឲ្យអ្នកប្រើប្រាស់សរសេរអក្សដោយគ្រាន់តែនិយាយពាក្យទាំងឡាយទៅកាន់ Facebook តែប៉ុណ្ណោះ។

ដោយយោងតាមក្រុមអ្នកបច្ចេកទេសដែលបង្កើតមុខងារនេះបានបញ្ជាក់ឲ្យដឹងថា ពួកគេមិនត្រឹមតែធ្វើឲ្យមុខងារថ្មីនេះអាចដំណើរការលើ Facebook តែមួយនោះទេ តែគឺពួកគេចង់ធ្វើឲ្យមុខងារនេះអាចបញ្ជាលើការប្រើទូរសព្ទទាំងមូលតែម្ដង។ យ៉ាងណាក្ដី មិនទាន់មានការបញ្ជាក់ថាមុខងារថ្មីនេះ នឹងអាចប្រើប្រាស់បានទូទៅនៅពេលណានៅឡើយទេ តែគេជឿថាវាអាចនឹងដំណើរនាពេលដ៏ខ្លីខាងមុខ៕

អានបន្ត ៖ លោកអូប៉ាម៉ានៅតែស្មោះស្ម័គ្រនឹងទូរសព្ទ BlackBerry

ប្រែសម្រួល ៖ រដ្ឋ ប្រភព ៖ verge