អតីតប្រធានាធិបតីមីយ៉ាន់ម៉ា ថេន សេន សម្រេចបួសជាសង្ឃ
- 2016-04-05 21:15:30
- ចំនួនមតិ 0 | ចំនួនចែករំលែក 0
អតីតប្រធានាធិបតីមីយ៉ាន់ម៉ា ថេន សេន សម្រេចបួសជាសង្ឃ
ចន្លោះមិនឃើញ
អតីតប្រធានាធិបតីផ្ដាច់ការរបស់ប្រទេសមីយ៉ាន់ម៉ាលោក ថេន សេន បានសម្រេចចិត្តបួសជាសង្ឃ ក្រោយផ្ទេរអំណាចប្រធានាធិបតីថ្មីឲ្យគណបក្សរបស់លោកស្រីអ៊ុង សានស៊ូជី ចប់សព្វគ្រប់នៅថ្ងៃទី ៣០ ខែមីនាកន្លងទៅ។
ក្រោយកាន់អំណាចតាមបែបយោធាអស់ជាច្រើនទសវត្ស និងព្រមផ្ទេរអំណាចដោយសន្តិវិធីទៅឲ្យគណបក្សសម្ព័ន្ធដើម្បីប្រជាធិបតេយ្យ(NLD)ឈ្នះឆ្នោត ដែលមានប្រធានាធិបតី ធីន ច (Htin Kyaw) ដឹកនាំរដ្ឋាភិបាលកាលពីដើមខែមេសានេះមក។
ក្នុងទំព័រប្រវត្តិសាស្ត្រថ្មី លោក ថេន សេន បានសាងផ្នួសជាសង្ឃបែបព្រះពុទ្ធសាសនា កាលពីថ្ងៃទី ១ មេសាកន្លងទៅ ដើម្បីជាការគោរពដល់ប្រទេសកាន់សាសនាព្រះពុទ្ធភាគច្រើនមួយនេះ។
លោកនឹងចំណាយពេលវេលា ៥ថ្ងៃ ស្លៀកស្បង់ចីពរ នៅវត្ត Dhamma Dipati ជិតទីក្រុង Pyin Oo Lwin។ នេះបើតាមការអះអាងលើទំព័រហ្វេសប៊ុក ក្រសួងព័ត៌មានមីយ៉ាន់ម៉ា ចេញផ្សាយថ្ងៃនេះ ក្រោយរូបថតជាច្រើនសន្លឹកត្រូវគេចែកចាយ។ ព្រះនាមថ្មីរបស់សង្ឃ ថេន សេន គឺ យូ ថាឌី ដាម៉ា (U Thandi Dhamma)៕
ថេន សេន កាលមិនទាន់បួស
ចុចអាន៖ មីយ៉ាន់ម៉ាជ្រើសរើសបានប្រធានាធិបតីស៊ីវិលដំបូង ក្នុងរយៈពេល៥ទសវត្សចុងក្រោយ
ចុចអាន៖ ប្រធានាធិបតីមីយ៉ាន់ម៉ា ថេន សេន អបអរលោកស្រី អ៊ុងសាន ស៊ូជី
ចុចអាន៖ មីយ៉ាន់ម៉ាជាប់ជាប្រទេសសប្បុរសជាងគេក្នុងលោក អាមេរិកជាប់លេខ២
ប្រែសម្រួល៖ ឡេង ភារុណ ប្រភព៖ Yangon.Coconuts, DVB