សុវត្តិឌី ធារីកា រៀបរាប់ប្រវត្តិតស៊ូក្នុងសិល្បៈ និងថាធ្លាប់បោះបង់សិទ្ធិប្រឡង The voice ទៀត
- 2016-04-07 17:40:37
- ចំនួនមតិ 0 | ចំនួនចែករំលែក 0
សុវត្តិឌី ធារីកា រៀបរាប់ប្រវត្តិតស៊ូក្នុងសិល្បៈ និងថាធ្លាប់បោះបង់សិទ្ធិប្រឡង The voice ទៀត
ចន្លោះមិនឃើញ
ថ្មីៗនេះ សុវត្តិឌី ធារីកា តារាចម្រៀងស្រីលេចធ្លោក្នុងកម្មវិធី Cambodian Idol បានសរសេរពីប្រវត្តិលើបណ្ដាញសង្គម Facebook ពីការតស៊ូដើម្បីចូលរួមប្រកួតប្រជែងក្នុងកម្មវិធីនានាកន្លងមក។
តារាស្រីជាប់រហស្សនាម "នាងតូច” បានរៀបរាប់ក្នុងន័យថា ទម្រាំតែបានជោគជ័យគេស្គាល់ដូចបច្ចុប្បន្ននាងត្រូវឆ្លងកាត់ការប្រកួត ៩ លើកក្នុងរយៈពេល ៧ ឆ្នាំចុងក្រោយនេះ ពោលគឺចាប់តាំងពីឆ្នាំ ២០០៩ ដល់ឆ្នាំ ២០១៥ និងធ្លាប់បោះបង់ការប្រកួតក្នុងកម្មវិធីលំដាប់ថ្នាក់ពិភពលោកមួយដែរគឺ The voice Cambodia season 1។
កញ្ញាបានរៀបរាប់ដូចខាងក្រោមថា "ប៉ុន្មានថ្ងៃមុននាងខ្ញុំបានប្រាប់ទៅបងប្អូនថា ខ្ញុំនឹងរៀបរាប់ពីការចូលនៅក្នុងវិស័យសិល្បៈប្រាប់ទៅដល់បងប្អូនទាំងអស់គ្នាអោយបានដឹងពីព្រោះថា ពេលខ្លះក៏ជាការតាំងចិត្តដែលស្រលាញ់លើវិស័យនេះផងដែរ។ កម្មវិធីដែលនាងខ្ញុំបានប្រលងកន្លងមកមានជាច្រើន..."
កម្មវិធីដែល ធារីកា ធ្លាប់ចូលប្រឡងមាន៖
_នៅឆ្នាំ ២០០៩ ក្នុងកម្មវិធី The star verities (ដឹស្តារវឺរាយធីស) TV 3 ជាប់លេខ១ _នៅឆ្នាំ២០១០ ក្នុងកម្មវិធី Kodomo ជំនាន់ទី ២ ជាប់នៅជយលាភី ១ ឯក _បន្ទាប់មកបានដាក់ប្រលងក្នុងកម្មវិធី ពេជ្រកំពុងច្នៃ _នៅឆ្នាំ ២០១៤ ក្នុងកម្មវិធី ផ្កាយរះក្នុងសួន _នៅក្នុងឆ្នាំ ២០១៥ ក្នុងកម្មវិធី Carabao concert ប៉ុស្តិ៍បាយ័នធ្លាក់ម្ដង ដោយហេតុថាមិនគ្រប់អាយុ។ តែដាក់ម្ដងទៀតជាប់រហូតដល់វគ្គផ្ដាច់ព្រ័ត្របានលេខ៥ _នៅឆ្នាំ ២០១៥ នាងបានប្រាប់ថា បានដើរដាក់ពាក្យប្រលងឡើងវិលមុខ ហើយក៏បានប្រលងក្នុងកម្មវីធី សំនៀងចែងចាំង (២០០០០ នាក់ជាប់បានជុំទី ២៤) និង The voice Cambodia season 1។ ធារីកា ថ្លែងថា "ជាប់ដល់វគ្គចុចកៅអី តែចង្រៃអីដាក់ពាក្យទៅ គេ callមកជាប់បានទាំង២ កម្មវិធីរួចហើយបោះបង់កម្មវិធីមួយចោលនោះគឺ the voice Cambodia"
កម្មវិធីចុងក្រោយគេ គឺក្រោយគេ គឺកម្មវិធី Cambodian Idol ដែលជាលទ្ធផល នាងបានជាប់ដល់ Top 4 ។ ប៉ុន្តែទោះយ៉ាងនេះក្ដី នាងប្រាប់ថា សម្រាប់នាង គឺជោគជ័យហើយ។
ជាចុងក្រោយនាងបានបញ្ជាក់ថា ជោគជ័យទាំងនេះជាការជ្រោមជ្រែងពីគ្រួសារ មិត្តភ័ក្ដិ និងសាច់ញាតិជាច្រើនទៀត។ ជាពិសេសអរគុណ អ៊ុ ប៉ាម៉ាក់ យាយតា ពូមីង បងប្អូនដែលតែងតែលើកទឹកចិត្តនាង ហើយខ្លាំងបំផុតនោះគឺអ្នកគាំទ្រនាងតែម្ដង៕
រូប សុវត្តិឌី ធារីកា នៅខាងក្រោយលើកម្រាមដៃពីរ
អត្ថបទ៖ទ្រី រ៉ាវី
រូបភាព៖Facebook ធារិកា