សង្ក្រាន្តភូមិយើង ចាប់ផ្ដើមស្អែកនេះនៅវិទ្យាល័យព្រះមុនីវង្ស បាត់ដំបង
- 2016-04-09 23:44:55
- ចំនួនមតិ 0 | ចំនួនចែករំលែក 0
សង្ក្រាន្តភូមិយើង ចាប់ផ្ដើមស្អែកនេះនៅវិទ្យាល័យព្រះមុនីវង្ស បាត់ដំបង
ចន្លោះមិនឃើញ
ថ្ងៃទី១០ ខែមេសា ស្អែកនេះ នៅវិទ្យាល័យព្រះមុនីវង្ស ខេត្តបាត់ដំបង នឹងមានកម្មវិធី "សង្ក្រាន្តភូមិយើង" ចាប់ពីម៉ោង៨ ព្រឹក ដល់ម៉ោង៥ ល្ងាច ដែលបើកឲ្យសិស្សគ្រប់ជំនាន់នៃវិទ្យាល័យព្រះមុនីវង្ស សិស្សសាលាដទៃ និងសាធារណៈ ចូលរួមសប្បាយទាំងអស់គ្នា។
អ្នកគ្រូ ជួប មាលតី នាយិការងវិទ្យាល័យព្រះមុនីវង្ស បានប្រាប់ Sabay ថា សាលារៀបចំកម្មវិធី សង្ក្រាន្តភូមិយើង នេះឡើង ដើម្បីជួបជុំសិស្សគ្រប់ជំនាន់ ទាំងចាស់ ទាំងថ្មី រីករាយអបអរសាទរពិធីបុណ្យចូលឆ្នាំថ្មីដែលនឹងមកដល់ខាងមុខនេះ និងដើម្បីរៃអង្គាសមូលនិធិសង់បណ្ណាល័យនៅសាលាបឋមសិក្សាមួយនៅស្រុកបវេល ខេត្តបាត់ដំបង។
សង្ក្រាន្តភូមិយើង លើកដំបូងនេះ នឹងមានកម្មវិធីលេងល្បែងប្រជាប្រិយខ្មែរជាច្រើន រាំវង់ តន្ត្រីសប្បុរសធម៌ ស្ដង់លក់អាហារ វត្ថុអនុស្សាវរីយ៍ ក្នុងនោះក៏មានលក់អាហារដោយប្រើស្លឹកឈូកធម្មជាតិសម្រាប់ខ្ចប់ផងដែរ ចៀសវាងប្រើផ្លាស្ទិកមកវេចខ្ចប់ប៉ះពាល់ដល់បរិស្ថានផងដែរ។
សិស្សគ្រប់ជំនាន់ទាំងចាស់ថ្មី និងសិស្សសាលាដទៃៗនៅបាត់ដំបង កុំភ្លេចចូលរួមណា៎! ជុំគ្នាជួបមិត្តចាស់ថ្មី ហើយសប្បាយទៀត!
អត្ថបទ៖ សុផាត