សហគ្រិនសង្គមខ្មែរម្នាក់មានឱកាសឡើងបង្ហាញអាជីវកម្មសង្គមនៅឥណ្ឌា

2016-04-19 16:56:05
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ហាវ គង់ងី ស្ថាបនិកនៃសហគ្រាសសង្គម ឈ្មោះថា ផ្ទះតាមក្ដីប្រាថ្នា (My Dream Home) បានជាប់ឈ្មោះជាបេក្ខភាពម្នាក់ក្នុងចំណោមសហគ្រាស៤០០ ដែលត្រូវបានជ្រើសរើសដោយពាន Sankalp ឆ្នាំ២០១៦ ដើម្បីបង្ហាញអាជីវកម្មសង្គមរបស់ខ្លួនទៅគណៈកម្មការ នៅទីក្រុងមុំបៃ ប្រទេសឥណ្ឌា នៅថ្ងៃទី២១ ខែមេសា។

សហគ្រាសសង្គមចំនួន១០ដែលមានសក្ដានុពលធំ នឹងត្រូវបង្ហាញគំនិតអាជីវកម្មទៅកាន់គណៈកម្មការធំ ដើម្បីប្រកួតពាន Sankalp ឆ្នាំ២០១៦ និងមានឱកាសទទួលបានទឹកប្រាក់ ៥ ម៉ឺនដុល្លារ។ សហគ្រាសជាង៤០០ ដែលបានជាប់ ត្រូវបានគេត្រួតពិនិត្យ និងឧបត្ថម្ភដោយ Intellecap និងជាអ្នកតំណាងឲ្យវិស័យ ដូចជា សុខាភិបាល អប់រំ ទឹក អនាម័យ កសិកម្ម ហិរញ្ញវត្ថុ ការអភិវឌ្ឍជំនាញ ការរស់នៅ និងថាមពលស្អាត។

My Dream Home ជាអាជីវកម្មសង្គមកម្ពុជាដែលផ្ដល់នូវលំនៅឋានសមរម្យតាមរយៈការផលិតឥដ្ឋបរិស្ថានដែលមានញីឈ្មោល ដើម្បីធ្វើឲ្យមានតម្លៃសមរម្យសម្រាប់គ្រួសារមានចំណូលទាប ដូចជាកម្មកររោងចក្រជាដើម។ ដោយទទួលបានការគាំទ្រ និងបង្ហាត់បង្ហាញពី Impact Hub Phnom Penh អាជីវកម្មសង្គមដែលទទួលបានអាហារូបករណ៍នេះ ចាប់ផ្ដើមមានឥទ្ធិពលយ៉ាងខ្លាំង និងឈានទៅរកសហគមន៍សហគ្រិនពិភពលោក។

អាហារូបករណ៍ Hub មានរយៈពេល៦ខែ ដោយមានគោលបំណងផ្ដល់នូវការគាំទ្រដល់សហគ្រិន ដែលគេជ្រើសរើស ដើម្បីបង្ហាញគំនិតប្លែកពីគេ និងមានការប្ដេជ្ញាចិត្តខ្ពស់ ដើម្បីអភិវឌ្ឍការចាប់ផ្ដើម អាជីវកម្មរបស់ខ្លួន ដោយមានបំណងឲ្យមានផលជះជាវិជ្ជមានដល់សហគមន៍។ Impact Hub ផ្ដល់អាហារូបករណ៍ ដើម្បីឲ្យសមាជិកទទួលបានការបង្ហាញផ្ទាល់ខ្លួន ការភ្ជាប់ទៅបណ្ដាញយ៉ាងទូលំទូលាយ និងការប្រើប្រាស់ដោយសេរីនូវទីតាំងរួម ខណៈដែលពួកគេទទួលបានគំនិតលើសពីមូលដ្ឋានគ្រឹះ។

"វាជាកិត្តិយសសម្រាប់ខ្ញុំ ដោយមានសុភាពបុរស និងសុភាពនារីអស្ចារ្យជាច្រើននៅជុំវិញខ្ញុំ នៅ Impact Hub ដែលជាអ្នកសហគ្រិនសង្គមដ៏មហិមា។ អរគុណចំពោះសមាជិកក្រុម ពិសេសកម្មករជាទីស្រលាញ់ សម្រាប់ការខិតខំប្រឹងប្រែងធ្វើឲ្យគម្រោងនេះកើតឡើង។ ពួកគាត់ជាបេះដូង ខួរក្បាល និងព្រលឹងនៃអាជីវកម្មសង្គមនេះ។ មិនថាមានអ្វីកើតឡើង ខ្ញុំនឹងខិតខំប្រឹងប្រែងធ្វើការដើម្បីជាតិ។

សមាជិករបស់ Impact Hub Phnom Penh ទទួលបានការគាំទ្រយ៉ាងសម្បើមពីដំណាក់កាលផ្សេងៗ គ្នានៃការចាប់ផ្ដើមអាជីវកម្ម ហើយវាពិតជាបានជួយខ្ញុំឲ្យឈានមកដល់កន្លែងនេះសព្វថ្ងៃ។ សហគមន៍នេះពិតជាអស្ចារ្យណាស់។ សមាជិកម្នាក់ ឈ្មោះ Julie Gacon ដែលជាអ្នករចនាក្រាហ្វិក (WHAIM Studio) បានជួយខ្ញុំបង្កើតបទបង្ហាញពីអាជីវកម្មសង្គម ហើយជាអ្នកបង្ហាត់បង្ហាញចង្អុលផ្លូវ គ្រប់ជំហាន"។ នេះជាការលើកឡើងរបស់លោក ហាវ គង់ងី។

សម្រាប់ព័ត៌មានបន្ថែម៖

My Dream Home: ourdreamhomes.biz

Impact Hub Phnom Penh: phnompenh.impacthub.net

វីដេអូ My Dream Home: