គង់ ចាន់ស្រីមុំ វេចបង្វេចទៅម៉ាល់ឌីវ ហើយ!
- 2016-04-26 16:52:27
- ចំនួនមតិ 0 | ចំនួនចែករំលែក 0
គង់ ចាន់ស្រីមុំ វេចបង្វេចទៅម៉ាល់ឌីវ ហើយ!
ចន្លោះមិនឃើញ
នៅថ្ងៃរៀបអាពាហ៍ពិពាហ៍របស់ គង់ ចាន់ស្រីមុំ និង គឹម សីហា អ្នកនាង យ៉ាន លីនដា បានប្រកាសផ្ដល់កាដូក្រេបទឹកឃ្មុំនៅកោះ ម៉ាល់ឌីវ ដល់អ្នកទាំងពីរបន្ទាប់ពីរៀបការរួច ។ឥឡូវនេះ ស្រីមុំ បានបញ្ជាក់នៅសង្គមហ្វេសប៊ុកថា ខ្លួននឹងធ្វើដំណើរទៅ ម៉ាល់ឌីវ ហើយ។
(គង់ ចាន់ស្រីមុំ និង គឹម សីហា ទៅក្រេបទឹកឃ្មុំនៅ ជប៉ុន)
បន្ទាប់ពីសាងភាពផ្អែមល្ហែមក៏ដូចជាក្រេបទឹកឃ្មុំនៅឯប្រទេសជប៉ុនរួចមកមក ថ្ងៃនេះគូរស្វាមីភរិយាមួយគូរនេះកំពុងត្រៀមបន្តដំណើរទៅក្រេបទឹកឃ្មុំនៅកោះម៉ាល់ឌីវ និង ប្រទេស សិង្ហបុរី។ នៅលើបណ្ដាញសង្គមរបស់ខ្លួន តារាស្រីរូបនេះ បានបង្ហោះរូបសំលៀកសម្រាប់លំហែកាយមួយចំនួន ភ្ជាប់ជាមួយសារថា នាងទៅម៉ាល់ឌីវហើយ។ "រៀបចំសម្រាប់ការដើមកម្សាន្តស្អែក Maldives and Singapore។
(រូបភាព ហ្វេសប៊ុក គង់ ចាន់ស្រីមុំ)
កោះ ម៉ាល់ឌីវ គឺជាកោះដែលស្ថិតក្នុងតំបន់ត្រូពិកនៅមហាសមុទ្រឥណ្ឌាដែលត្រូវបានគេស្គាល់ថាជាបណ្ដុំកោះដែលមានផ្ទុកនូវផ្កាថ្ម ២៦ ប្រភេទផ្សេងគ្នា ក៏ដូចជាឆ្នេរខ្សាច់សស្អាតរួមជាមួយនិងថ្មប៉ប្រះទឹកយ៉ាងច្រើន នេះបើយោងតាម (TripAdviser.com)។ យ៉ាងណា មិនទាន់ដឹងថា ដំណើររបស់គូស្វាមីភរិយា ស្រីមុំ និងសីហា ទៅកោះឋានសួគ៌មួយនេះ ជាការទទួលយកកាដូក្រេបទឹកឃ្មុំផ្ដល់ដោយ យ៉ាន លីនដា កាលពីខែមុននោះ ឬយ៉ាងណាទេ ដោយនៅព្រឹកនេះ ពួកគេទាំងពីរមិនអាចទំនាក់ទំនងបាន ៕
អត្ថបទ៖ SAMEDY