ស្ពានថ្មីដ៏អស្ចារ្យ៩ ធ្វើឲ្យពិភពលោកស្ញប់ស្ញែង

2016-04-28 22:09:45
ចំនួនមតិ 0 | ចំនួនចែករំលែក 0

ចន្លោះមិនឃើញ

១. ស្ពានសួនច្បារ Garden Bridge នៅទីក្រុងឡុងដ៏ ប្រទេសអង់គ្លេស

ស្ពាននេះគូរប្លង់ដោយលោក Thomas Heatherwick ដែលគ្រោងចាប់ផ្ដើមសាងសង់នៅចុងឆ្នាំនេះ និងបញ្ចប់នៅឆ្នាំ ២០១៨ ជាមួយទឹកប្រាក់ប្រមាណ ២៧៥លានដុល្លារអាមេរិក។

២. ស្ពាន Danjiang នៅកោះតៃវ៉ាន់

Danjiang មានប្រវែង ៩១៤ម៉ែត្រ គូរប្លង់ដោយស្ថាបត្យករ Zaha Hadid ដែលជាស្ពានមានប៉មខ្សែកាបតែមួយវែងជាងគេបំផុតក្នុងលោក។

៣.ស្ពាន Lucky Knot នៅប្រទេសចិន

Lucky Knot មានទីតាំងនៅទីក្រុង Changsha ខេត្តហ៊ូណាន គូរប្លង់ដោយក្រុមស្ថាបត្យករ NEXT គ្រោងបើកការដ្ឋាននៅឆ្នាំក្រោយ មានប្រវែង ១៨៥ម៉ែត្រ និងកម្ពស់ ២២ម៉ែត្រ។ រូបរាងស្ពានដូចនាគហោះ ដែលគេមានជំនឿថានាំសំណាងល្អ។

៤. ស្ពាន Solvesborg នៅប្រទេសស៊ុយអែត

Solvesborge នឹងក្លាយជាស្ពានដើរវែងជាងគេបំផុតនៅទ្វីបអឺរ៉ុបគឺ ប្រវែង ៧៥៥ម៉ែត្រ រួមជាមួយភ្លើងពណ៌ពេលរាត្រី។

៥. ស្ពាន Helix ប្រទេសសិង្ហបុរី

គូរប្លង់ដោយក្រុម Cox Architectures និងបានបើកដំណើរក្នុងឆ្នាំ ២០១០។ ស្ពាននេះតំណាងឲ្យជីវិត ការបង្កើតថ្មី និងការលូតលាស់ឈានទៅមុខ។

៦. ស្ពាន Puente Laguna Garzon នៅប្រទេសអ៊ុយរុយហ្គាយ

គូរប្លង់ដោយក្រុមស្ថាបត្យករ Rafael Vinoly Architects និងមានលក្ខណៈប្លែកគេត្រង់រាងរង្វង់នៅលើផ្ទៃទឹក។

៧. ស្ពាន Cirkelbroen នៅប្រទេសដាណឺម៉ាក់

គូរប្លង់ដោយលោក Olafur Eliasson នៅទីក្រុង Copenhagen មានភាពទាក់ទាញត្រង់ចំណុចមូលជាប់គ្នាចំនួន ៥ និងខ្សែលួសចងបង្គោលកណ្ដាល។

៨. ស្ពាន Zhangjiajie Canyon នៅចិន

ស្ពាននេះបើកដំណើរការខែឧសភា ឆ្នាំ ២០១៦នេះ ដែលវានឹងក្លាយជាស្ពានបាតកញ្ចក់វែង និងខ្ពស់បំផុតក្នុងលោក ជាមួយប្រវែង ៣៧៥ម៉ែត្រលើកម្ពស់ ២៩៨ម៉ែត្រ។ ស្ពាននេះចំណាយប្រាក់ប្រមាណ ៣,៨លានដុល្លារ និងអាចទ្រមនុស្សបាន ៨០០នាក់ក្នុងពេលតែមួយ។