កិច្ចសម្ភាសន៍កម្រពីជីវិតឯកជន មាស សុខសោភា នឹងបង្ហាញលើ PNN

2016-04-30 00:34:54
ចំនួនមតិ 0 | ចំនួនចែករំលែក 0

ចន្លោះមិនឃើញ

កិច្ចសម្ភាសន៍ដ៏កម្រមួយពាក់ព័ន្ធនឹងជីវិតឯកជនរបស់តារាចម្រៀងជួរមុខប្រចាំផលិតកម្ម ថោន កញ្ញា មាស សុខសោភា នឹងចាក់ផ្សាយជូនទស្សនាលើកញ្ចក់ទូរទស្សន៍ ភីអិនអិន (PNN) នៅដើមសប្តាហ៍ក្រោយ។

កំពូលតារាចម្រៀងរូបនេះ នឹងបង្ហាញខ្លួនក្នុងកម្មវិធី ស៊ីអារម្មណ៍ ឬ Chit Chat Show របស់ ភីអិនអិន ដោយនឹងជជែកវែកញែកពាក់ព័ន្ធជីវិតឯកជនរបស់នាង ជាមួយពិធីករពេញដោយសំនួនវោហារមិនចេះរីងស្ងួតលោក ប៉ែន ចំរ៉ុង។ ក្នុងកិច្ចសម្ភាសន៍នេះ ក៏មានវត្តមានម្ដាយតារារូបនេះចូលរួមជាភ្ញៀវកិត្តិយសផងដែរ។

អ្នកនាង លួង ភីរ៉ូនីកា អ្នកផលិតកម្មវិធី ស៊ីអារម្មណ៍ បានប្រាប់ឲ្យដឹងថា មនុស្សជាច្រើនធ្លាប់ទទួលបានភាពរីករាយ ជាមួយនឹងការច្រៀង ក៏ដូចជាសម្តែងរបស់កញ្ញា មាស សុខសោភា ប៉ុន្តែពួកគេកម្របានឃើញកិច្ចសម្ភាសន៍ផ្ទាល់របស់នាង ពិសេសគឺអ្វីដែលពាក់ព័ន្ធក្នុងជីវិតឯកជនតែម្ដង។ កម្មវិធី នឹងផ្តល់ជូនទស្សនិកជននូវអ្វីដែលមិនធ្លាប់ទទួលបានពីមុនមកអំពីជីវិតឯកជនរបស់ មាស សុខសោភា។

សុខសោភា គឺជាកំពូលតារាចម្រៀងមួយរូប ក្នុងដួងចិត្តប្រិយមិត្ត ខណៈកំពូលតារាចម្រៀងរូបនេះ តែងបង្ហាញខ្លួនជារឿយៗលើឆាកតន្ត្រីនៃបណ្តាស្ថានីយទូរទស្សន៍ក្នុងស្រុកជាច្រើន ក៏ដូចជាព្រឹត្តិការណ៍តន្ត្រីតាមបណ្តាខេត្តក្រុងទូទាំងប្រទេស។

កម្មវិធី ស៊ីអារម្មណ៍ ឬ Chit Chat Show របស់ ភីអិនអិន គឺជាកម្មវិធីកម្សាន្តដ៏មានប្រជាប្រិយភាពមួយ ចាក់ផ្សាយជូនទស្សនារៀងរាល់ថ្ងៃចន្ទ វេលាម៉ោង ៨:៣០យប់ បន្ទាប់ពីកម្មវិធី មុខរបរខ្ញុំ ឬ My Place។

ចាប់តាំងពីផ្តើមផ្សាយដំបូងអំឡុងខែមករា ដើមឆ្នាំ២០១៦នេះ ស៊ីអារម្មណ៍ បានបង្ហាញជូនប្រិយមិត្ត នូវវត្តមានតារាល្បីៗក្នុងវិស័យសិល្បៈជាច្រើនរបស់កម្ពុជា ជាពិសេស កាលពីពេលកន្លងទៅ តារាកិត្តិយសចូលរួមក្នុងកម្មវិធី មានដូចជា លោក ចាន់ វឌ្ឍនាកា លោក ហេង ពិទូ ក៏ដូចជា កញ្ញា យូរី ជាដើម។

ស៊ីអារម្មណ៍ ទទួលបានការគាំទ្រយ៉ាងខ្លាំងពីសំណាក់ទស្សនិកជន ដោយមានចំនួនអ្នកតាមដានទស្សនាយ៉ាងច្រើនទាំងលើកញ្ចក់ទូរទស្សន៍ ទាំងលើបណ្តាញសង្គម ខណៈទំព័រហ្វេសប៊ុក និងគណនី YouTube របស់កម្មវិធីស៊ីអារម្មណ៍ មានចំនួនអ្នកទស្សនារាប់លានដង។

ស៊ីអារម្មណ៍ ក៏ជាកម្មវិធីថ្មីមួយ ក្នុងចំណោមកម្មវិធីជាច្រើនរបស់ ភីអិនអិន ដែលបង្កើតឡើងដើម្បីបំពេញតម្រូវការទស្សនិកជនក្នុងម៉ោងមាសរបស់ខ្លួន ដោយរាប់បញ្ចូលទាំងកម្មវិធីកំពុងទទួលបានប្រជាប្រិយភាពខ្លាំង គឺកម្មវិធី ការណាត់ជួបដ៏អស្ចារ្យ ឬ The Date Show ដែលបង្ហាញជូនពីអ្វី តារាសិល្បៈជាច្រើនចង់ធ្វើ តែមិនធ្លាប់បានធ្វើ ក្នុងជីវិតឯកជនរបស់ពួកគេ។

ភីអិនអិន បានបង្កើតកម្មវិធីកម្សាន្តក្នុងស្រុកថ្មីៗជាច្រើន ដើម្បីបំពេញក្នុងម៉ោងមាសរបស់ខ្លួន ជាការឆ្លើយតបទៅនឹងបម្រាមរបស់ក្រសួងព័ត៌មានកាលពីពេលថ្មីៗ តម្រូវឲ្យគ្រប់ស្ថានីយទូរទស្សន៍ទាំងអស់ រាប់បញ្ចូលទាំងក្រុមហ៊ុនទូរទស្សន៍ខ្សែកាបផងនោះ ត្រូវចាក់ផ្សាយកម្មវិធី ក៏ដូចជារឿងផលិតក្នុងស្រុក ក្នុងអំឡុងម៉ោងមាសរបស់ខ្លួនចន្លោះពីម៉ោង ៧ ដល់ម៉ោង ៩យប់ ជំនួសឲ្យភាពយន្ត និងកម្មវិធីបរទេស៕

ឈុតខ្លីពីកម្មវិធី ស៊ីអារម្មណ៍ សូមមើលវីដេអូខាងក្រោម៖

អត្ថបទ៖ ពាណិជ្ជកម្ម

ពាក្យទាក់ទង

ការផ្សាយពាណិជ្ជកម្ម

អត្ថបទពេញនិយម

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ចេញហើយ តម្លៃរថយន្ត Toyota Camry 2025 នៅទីផ្សារអាមេរិក! ទាបបំផុត ២ម៉ឺន ៨ពាន់ដុល្លារ

ដោយសារភ្លៀងសិប្បនិម្មិត Cloud Seeding ឬ ទើបធ្វើឱ្យឌូបៃ ជួបប្រទះគ្រោះទឹកជំនន់ធ្ងន់ធ្ងរបំផុត?

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ភ្ញាក់ផ្អើលចំនួនភ្ញៀវទេសចរទៅលេងកំពត អំឡុងចូលឆ្នាំ៤ថ្ងៃ ក្រោយមានរូបសេះសមុទ្របាញ់ទឹក

Bayer Leverkusen ឈ្នះពានលីគអាល្លឺម៉ង់ បំបាក់ជើងឯកឆ្នាំចាស់ Bayern Munich

អត្ថបទថ្មី

ក្លឹបអង់គ្លេសធ្លាក់ចេញពី UCL ទោះជាវគ្គ Final ប្រព្រឹត្តិទៅនៅរាជធានីឡុងដុងក្ដី

មកដឹងកាលបរិច្ឆេទប្រកួត Semi Final កម្មវិធី Champions League

ចូលឆ្នាំថ្មី អតិថិជន ក្រុមហ៊ុន វឌ្ឍនៈ ឈ្នះរង្វាន់ជាច្រើន! ឈ្នះលុយ ឈ្នះមាស ឡាន ម៉ូតូ និងឈ្នះរង្វាន់ធំៗផ្សេងទៀត

Ronaldo ឈ្នះ Juventus រឿងក្ដីក្ដាំពាក់ព័ន្ធរឿងមិនបើកប្រាក់ឈ្នួលរាប់លានដុល្លារ

ប្រាសាទ ដាវីន បង្ហាញជំហរច្បាស់លាស់ ប្រសិនមានឱកាសតំណាងកម្ពុជាលើឆាកអន្តរជាតិម្តងទៀត