ក្រុមហ៊ុនទ្រូម៉ាន់នី និង គ្រិះស្ថានមីក្រូហិរញ្ញវិត្ថុ និរន្តរ ភីអិលស៊ី ចុះហត្ថលេខា លើកិច្ចព្រមព្រៀង ស្ដីពីកិច្ចសហប្រតិបត្តិការ លើសេវាកម្ម បង់វិក្កយបត្រ

2016-04-30 21:37:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ទ្រូម៉ាន់នី ដែលជាក្រុមហ៊ុនវេរលុយដ៏ល្បីល្បាញមួយកំពុងតែពង្រីកវិសាលភាព និងកិត្តិនាមរបស់ខ្លួនទូទាំងព្រះរាជាណាចក្រកម្ពុជា នោះបានរៀបចំកម្មវិធីចុះហត្ថលេខា លើកិច្ចព្រមព្រៀង ស្ដីពី កិច្ចសហប្រតិបត្តិការ លើសេវាកម្ម វិក្កយបត្រ ជាមួយ គ្រឹះស្ថានមីក្រូហិរញ្ញវិត្ថុ និរន្តរ ភីអិលស៊ី។

នៅក្នុងកម្មវិធី ចុះហត្ថលេខា ខាងលើនោះ លោក គង់ជានាយកគ្រប់គ្រងទូទៅក្រុមហ៊ុន ទ្រូម៉ាន់នី ប្រចាំប្រទេសកម្ពុជាបានថ្លែងថា «ក្រុមហ៊ុន ទ្រូម៉ាន់នីយើងដែលមានដៃគូសហការជាមួយធនាគាហ្វីលីពបានទទួលអាជ្ញាប័ណ្ណពីធនាគាជាតិកម្ពុជាដើម្បីបម្រើសេវាហិរញ្ញវត្ថុដ៏សំបូរ បែបដូចជាៈ វេរលុយ ដកលុយ ដាក់លុយ បង់វិក្កយបត្រ បើកប្រាក់បៀរវត្ស និងបញ្ចូលទឹកប្រាក់តាមទូរស័ព្ទ»។

មូលហេតុដែលយើងឈានជើងប្រឡូកចូលទីផ្សារកម្ពុជាគឺដោយសារយើងឃើញថាប្រជាជនកម្ពុជា ប្រហែល៩០% មិនទាន់ប្រើសេវាកម្មធនាគារនោះទេ ដែលជាហានិភ័យមួយសម្រាប់ពូកគាត់ចំពោះការបាត់ជាយថាហេតុ ដូច្នេះយើងមកទីនេះដើម្បីជួយសម្រួលតាមរយៈសេវាកម្មទាំងអស់នេះ ឲ្យបានកាន់តែរហ័សងាយស្រួល ព្រមទាំងមានសុវត្ថភាពទៀតផង។

ដូចទៅនឹងពាក្យស្លោករបស់ក្រុមហ៊ុនយើងខ្ញុំ គឺ «ដាក់ស្រួល ដកស្រួល និងមានសុវត្ថភាព»។ លោក គង់ បានបន្តទៀតថាៈ ដូចថ្ងៃនេះផងដែរ ក្រុមហ៊ុន ទ្រូម៉ាន់នី បានសហការជាមួយ គ្រឹះស្ថានមីក្រូហិរញ្ញវត្ថុ និរន្តរ ភីអិលស៊ី ក្នុងគោលបំណងផ្ដល់ ភាពងាយ ស្រួលដល់អតិថិជន របស់ និរន្តរ ទាំងអស់ អាចបង់ប្រាក់កំម្ចី របស់ខ្លួនជូនទៅនិរន្តរតាមរយៈភ្នាក់ងារ របស់ ទ្រូម៉ាន់នី ទូទាំង ២៥ ខេត្ត/ក្រុង ក្នុងព្រះរាជាណាចក្រកម្ពុជា។

នៅក្នុងកម្មវិធី ចុះហត្ថលេខា នោះដែរ លោក ឡាយ គឹមឆេន អគ្គនាយកគ្រឹះស្ថានមីក្រូហិរញ្ញវត្តុ និរន្តរ ភីអិលស៊ី បានមានប្រសាសន៏ថា គ្រឹះស្ថានមីក្រូហិរញ្ញវត្ថុ ឈានមុខក្នុងព្រះរាជាណាចក្រកម្ពុជា ដែលបាននឹងកំពុងធ្វើប្រតិបត្តិការក្នុងភាពជាដៃគូយ៉ាងជិតស្និទ្ធជាមួយនឹងសាធារណជនគ្រប់មជ្ឈដ្ឋាន តាមរយៈការ ផ្ដល់សេវាហិរញ្ញវត្ថុដ៏មានតម្លាភាព ជាមួយនឹងបណ្ដាលប្រតិបត្តិការរហូតដល់ ៥៤ ការិយាល័យ គ្របដណ្ដប់គ្រប់ ខេត្តរាជធានី នៃព្រះរាជាណាចក្រកម្ពុជា ហើយមានបុគ្គលិកសរុប ១,០៣១ នាក់ ជាមួយនឹងទ្រព្យសកម្មសរុបជាង ២៤លានដុល្លារអាមេរិក និងមានអតិថិជនសរុបប្រមាណ ៥៩ពាន់នាក់ គិតត្រឹមដំណាច់ខែមីនា ឆ្នាំ២០១៦ នេះ។

ថ្ងៃនេះគ្រឹះស្ថានមីក្រូហិរញ្ញវត្តុ និរន្តរ ភីអិលស៊ី ពិតជាមានមោទនភាពដែលបានសម្រេច ជ្រើសរើសក្រុមហ៊ុន True Money ដែលជាក្រុមហ៊ុនវេរលុយដ៏ល្បីមួយ ដើម្បីធ្វើជាដៃគូយុទ្ធសាស្ត្រក្នុងការធ្វើកិច្ចសហប្រតិបត្តិការបម្រើ សេវាកម្មបង់វិក្កយបត្រ។ ភាពជដៃគូនេះនឹងផ្តល់នូវអត្ថប្រយោជន៌ឲ្យគ្នាទៅវិញទៅមក រវាងគ្រឹះស្ថានមីក្រូហិរញ្ញវត្តុ និរន្តរ ភីអិលស៊ី និង ក្រុមហ៊ុន True Money ព្រមទាំងផ្តល់នូវភាពងាយស្រួលដល់អតិថិជនរបស់និរន្តរទាំងអស់ ក្នុងការទូទាត់ឬបង់ប្រាក់កម្ចីបានគ្រប់ពេលវេលា គ្រប់ទីកន្លែងដោយពុំចាំបាច់ធ្វើដំណើរមកកាន់ការិយាល័យ និរន្តរ ឡើយ និងជាពិសេសដើម្បីលើកស្ទួយការអភិវឌ្ឍន៍វិស័យទូទាត់នៅក្នុងព្រះរាជាណាចក្រកម្ពុជា។