Floyd ចង់បាន១០០លានដុល្លារ ទើបឡើងសង្វៀនវិញ
- 2016-05-02 22:04:35
- ចំនួនមតិ 0 | ចំនួនចែករំលែក 0
Floyd ចង់បាន១០០លានដុល្លារ ទើបឡើងសង្វៀនវិញ
ចន្លោះមិនឃើញ
Floyd Mayweather បានបង្ហើបថារូបគេត្រូវការប្រាក់ចំនួន១០០លានដុល្លារទើបព្រមឡើងសង្វៀនប្រកួតវិញ ហើយការវិលត្រលប់មកវិញនោះគឺមានតែមួយប្រកួតប៉ុណ្ណោះ។
ការផ្ដល់បទសម្ភាសន៍ជាមួយ Showtime កាលពីសប្ដាហ៍មុននៅទីក្រុងវ៉ាសីនតោន អ្នកប្រដាល់មិនដែលចាញ់ Floyd បាននិយាយថារូបគេអាចនឹងសម្រេចចិត្តឡើងប្រកួតវិញ ប្រសិនបើមានស្ថាប័នណាព្រមឱ្យតម្លៃខ្លួន១០០លានដុល្លារអាមេរិក។ ខណៈដែលការត្រលប់មកវិញនេះ គឺជាការប្រកួតChampions ដ៏ធំ នៅទឹកដីអាមេរិក។
អ្នកប្រដាល់វ័យ៣៩ឆ្នាំខាងលើ បានប្រកាសចូលនិវត្តន៍អស់រយៈពេល៨ខែមកហើយ បន្ទាប់ពីរូបគេបានយកឈ្នះ Andre Berto ដើម្បីបង្កើតកំណត់ត្រាមិនដែលចាញ់៤៩ប្រកួតជាប់គ្នា។ ចំពោះការរកប្រាក់មុនចូលនិវត្តន៍របស់ Floyd ត្រូវបានគេដឹងថា កីឡាកររូបនេះរកបានដល់ទៅ៣០០លានដុល្លារអាមេរិកឯណោះ ក្នុងឆ្នាំ២០១៥កន្លងទៅ ដោយគ្រាន់តែប្រកួតជាមួយ Manny Pacquiao រកបាន២២០លានដុល្លារទៅហើយ។
ចុះសម្រាប់មតិរបស់ប្រិយមិត្តវិញ តើចង់ឃើញ Floyd ឡើងប្រកួតវិញឬយ៉ាងណា?
ប្រែសម្រួល៖ មុន្នី រម្យ ប្រភព៖ nydailynews