គីម ជុងអ៊ុន ហាមប្រារព្ធពិធីអាពាហ៍ពិពាហ៍និងបុណ្យ ចំថ្ងៃសមាជ
- 2016-05-03 00:26:52
- ចំនួនមតិ 0 | ចំនួនចែករំលែក 0
គីម ជុងអ៊ុន ហាមប្រារព្ធពិធីអាពាហ៍ពិពាហ៍និងបុណ្យ ចំថ្ងៃសមាជ
ចន្លោះមិនឃើញ
មេដឹកនាំកូរ៉េខាងជើងលោក គីម ជុងអ៊ុន បានចេញសេចក្ដីប្រកាស ហាមប្រារព្ធរាល់ពិធីរៀបអាពាហ៍ពិពាហ៍ និងបុណ្យទាំងអស់ ខណៈប្រទេសនឹងរៀបចំពិធីរំលឹកខួបមេដឹកនាំវ័យក្មេងរូបនេះ ឡើងកាន់អំណាចរយៈពេល ៤ឆ្នាំ។ នេះបើយោងតាមការសែត អង់គ្លេស Sunday Time។
ពិធីសមាជខាងលើនឹងមានគណៈប្រតិភូរាប់ពាន់នាក់ចូលរួមនៅទីក្រុងព្យុងយ៉ាង ដើម្បីអបអរសាទរលោកគីម ដោយពិធីការ និងបុណ្យគ្រប់ប្រភេទត្រូវបានលុបចោល ក្រោមហេតុផលការពារសន្តិសុខ។
កងកម្លាំងសន្តិសុខតាមខេត្តនានា ត្រូវបានបញ្ជាឲ្យនាំចូលក្រុងព្យុងយ៉ាងចាប់ពីដើមសប្ដាហ៍នេះ។ ពិធីសមាជក្នុងប្រវត្តិសាស្ត្រនឹងប្រារព្ធរយៈពេល ៤ទៅ៥ថ្ងៃ ចាប់ពីថ្ងៃទី ៦ឧសភាតទៅ៕
ប្រែសម្រួល៖ ឡេង ភារុណ ប្រភព៖ Daily Mail