ស្ពានកញ្ចក់គួរឲ្យខ្លាចទើបបើកលើកំពូលភ្នំ នៅប៉េកាំង
- 2016-05-03 15:55:06
- ចំនួនមតិ 0 | ចំនួនចែករំលែក 0
ស្ពានកញ្ចក់គួរឲ្យខ្លាចទើបបើកលើកំពូលភ្នំ នៅប៉េកាំង
ចន្លោះមិនឃើញ
ស្ពានកញ្ចក់ធ្វើឲ្យបណ្ដាអ្នកទេសចរភ័យបុកពោះ បានបើកដំណើរការហើយនៅជិតទីក្រុងប៉េកាំង ប្រទេសចិន សម្រាប់បម្រើដល់ភ្ញៀវណាចង់មើលទេសភាពពីកំពូលភ្នំ។
មានគ្រោងឆ្អឹងជាដែក បាតកញ្ចក់ ស្ពានរាងរង្វង់នេះ ស្ថិតនៅកម្ពស់ ៣៩៦ម៉ែត្រ និងនៅតំបន់ព្រៃ Jingdong Stone Forest Gorge ។ ស្ពាននេះត្រូវបានគេអះអាងជាស្ពានបាតកញ្ចក់ធំជាងគេបំផុតក្នុងលោក ដែលបានលយចេញប្រវែងជាង ៣២ម៉ែត្រ ពីគែមចំណោទថ្ម។ បើប្រៀបធៀបនឹងស្ពានកញ្ចក់ Grand Canyon នៅអាមេរិកវិញ គឺវែងជាង ៣៧ម៉ែត្រ។
ស្ពានខាងលើត្រូវបានបើកបម្រើសាធារណជនលើកដំបូងនៅថ្ងៃអាទិត្យកន្លងទៅ ដោយមានអ្នកទេសចរជាច្រើនហ៊ានដើរ ហ៊ានមើលចុះក្រោម និងថត Selfie លើកញ្ចក់ដ៏ខ្ពស់។ ស្ពានកញ្ចក់ទាំងមូលត្រូវគេចាត់ទុកធំជាងគេបំផុតក្នុងលោក ព្រោះវាមានទំហំ ៤១៤ម៉ែត្រការ៉េ។
Jingdong Stone Forest Gorge ជាកន្លែងទេសចរណ៍ដ៏ពេញនិយមមួយ ដែលមានចម្ងាយប្រមាណ ៦៩គីឡូម៉ែត្រប៉ុណ្ណោះពីទីក្រុងប៉េកាំង៕
ចុចអាន ៖ ស្ពានកញ្ចក់ឆ្លងជ្រោះកម្ពស់១៨០ម៉ែត្រ ដាក់ឲ្យដំណើរការហើយ
ចុចអាន៖ ស្ពានកញ្ចក់វែងជាងគេ និងខ្ពស់ជាងគេក្នុងលោកជិតរួចរាល់ហើយ
ប្រែសម្រួល៖ ឡេង ភារុណ ប្រភព៖ Daily Mail