Leicester នឹងរកចំណូលបាន ១៥០លានផោន ពីការឈ្នះ Premier League
- 2016-05-03 16:32:58
- ចំនួនមតិ 0 | ចំនួនចែករំលែក 0
Leicester នឹងរកចំណូលបាន ១៥០លានផោន ពីការឈ្នះ Premier League
ចន្លោះមិនឃើញ
ក្លឹបជើងឯកអង់គ្លេសLeicester City អាចនឹងរកចំណូលបាន ជាង១៥០លានពីការឈ្នះពាន Premier League របស់ខ្លួននារដូវកាលនេះ បើយោងតាមការវិភាគ ក្រុមហ៊ុនគ្រប់គ្រងទីផ្សារ និងទិន្នន័យកីឡា ដ៏ធំមួយឈ្មោះ Repucom។
ការកើនចំណូលដ៏លើសលុបនេះបានមកពីប្រាក់រង្វាន់ជើងឯក ចំណូលពីការលេងនៅ Champions League, ការទិញសិទ្ធផ្សាយផ្ទាល់, ការកើនឡើងចំណូលពីការលក់សំបុត្រទស្សនា, បដិសណ្ឋារកិច្ច, ក្រុមហ៊ុនឧបត្ថម្ភ និងកើនឡើងនៃអ្នកគាំទ្រនៅជុំវិញពិភពលោក -ល-។
រីឯទំព័រ Facebook ផ្លូវការរបស់ក្លឹបកើនចំនួន Like រហូត ៥៤០ភាគរយ គឺជាអត្រាកើនឡើងលឿនបំផុត មិនធ្លាប់មានសម្រាប់ទំព័ររបស់ក្លឹបបាល់ទាត់ ក្នុងនោះមាន ៥០០០០០ គណនីហ្វេសប៊ុកមកពីប្រទេសអាល់ហ្សេរី ដោយសារកីឡាករ Riyad Mahrezកំពុងលេងឲ្យក្លឹបមួយនេះ ហើយចំនួន LIKE ដ៏ច្រើនផ្សេងទៀតមកពី អ៊ីតាលី (គ្រូបង្វឹក Leicester ជនជាតិអ៊ីតាលី) និងមួយផ្នែកធំមកពីថៃ ដែលជាប្រទេស កំណើតរបស់ម្ចាស់ក្លឹប៕
ប្រែសម្រួល៖ វីរ៉ុត ប្រភព៖ ESPN