ខណ្ឌដូនពេញ ក្លាយជាតំបន់មានតម្លៃដីថ្លៃជាងគេនៅភ្នំពេញក្នុងត្រីមាសទី១

2016-05-03 16:54:09
ចំនួនមតិ 0 | ចំនួនចែករំលែក 0

ចន្លោះមិនឃើញ

បើយោងតាមសមាគមអ្នកវាយតម្លៃ និងភ្នាក់ងារអចលនវត្ថុនៅកម្ពុជា បានចេញរបាយការណ៍ក្នុងត្រីមាសទី១ថា ខណ្ឌដូនពេញបានក្លាយជាតំបន់មានតម្លៃដីធ្លីថ្លៃជាងគេក្នុងចំណោមខណ្ឌសំខាន់ៗដូចជា ខណ្ឌចំការមន ខណ្ឌ៧មករា និងខណ្ឌទួលគោក។

តម្លៃដីនៅខណ្ឌដូនពេញមានចន្លោះពី ២៥០០-៦០០០ដុល្លារក្នុង១ម៉ែត្រការ៉េ ចំណែកខណ្ឌចំការមនដែលអ្នកជំនាញធ្លាប់អះអាងថា ជាតំបន់ពោរពេញដោយសក្ដានុពលផ្នែកជំនួញនិងអាជីវកម្ម មានតម្លៃត្រឹម ១២០០-៥០០០ដុល្លារក្នុង១ម៉ែត្រការ៉េ។

លោក គឹម ហ៊ាង ប្រធានសមាគមអ្នកវាយតម្លៃនិងភ្នាក់ងារអចលនទ្រព្យកម្ពុជា (CVEA) បាននិយាយថា មូលហេតុដែលធ្វើឲ្យខណ្ឌដូនពេញមានសន្ទុះលើតម្លៃដីធ្លីដូច្នេះ ដោយសារខណ្ឌនេះ ជាតំបន់មានភាពងាយស្រួលគ្រប់យ៉ាង ដូចជា ធនាគារ ផ្សារទំនើប សណ្ឋាគារ តំបន់មាត់ទន្លេជាដើម។ ប្រការសំខាន់មួយទៀត គឺខណ្ឌដូនពេញមានសង្កាត់ផ្សារថ្មី ដែលសង្កាត់នេះជួយរុញច្រានឲ្យខណ្ឌគិតជាមធ្យមភាគមានតម្លៃដីធ្លីថ្លៃជាងគេនៅស្រុកខ្មែរ។

លោក បានបន្ថែមថា ក្នុងខណ្ឌដូនពេញ តំបន់ដែលថ្លៃជាងគេគឺនៅម្តុំផ្លូវនរោត្តមពីវិមានឯករាជ្យទៅវត្តភ្នំជាប្រភពដីធ្លីថ្លៃជាងគេ ដែលមានចន្លោះពី៣០០០-៦០០០ដុល្លារក្នុងមួយមែត្រការ៉េ៕