អ្នកភូមិឥណ្ឌូណេស៊ីប្រទះឃើញតុក្កតាសិច យល់ច្រឡំថាជាទេវតាពីឋានសួគ៌
- 2016-05-04 00:27:18
- ចំនួនមតិ 0 | ចំនួនចែករំលែក 0
អ្នកភូមិឥណ្ឌូណេស៊ីប្រទះឃើញតុក្កតាសិច យល់ច្រឡំថាជាទេវតាពីឋានសួគ៌
ចន្លោះមិនឃើញ
អ្នកភូមិនៃកោះដាច់ស្រយាលមួយនៅប្រទេសឥណ្ឌូណេស៊ីបានបង្កឲ្យ មនុស្សជាច្រើនភ្ញាក់ផ្អើលបន្ទាប់ពីប្រទះឃើញតុក្កតាសិចទើរលើឆ្នេរសមុទ្រ តែយល់ច្រឡំថាគឺជាទេវតាធ្លាក់ពីលើមេឃ។ នេះបើយោងតាមសារព័ត៌មាន AFP។
ក្រោយលេចឮសេចក្ដីរាយការណ៍ពីរឿងទេវតាធ្លាក់ពីលើឋានសួគ៌ និងការព្រួយបារម្ភខ្លាចក្រែងមានការចលាចលរំជើបរំជួលក្នុងសង្គមកើតឡើង ក្រុមប៉ូលិសឥណ្ឌូណេស៊ីបានធ្វើប្រតិបត្តិការស៊ើបអង្កេតមួយឡើង។
ពេលទៅដល់កោះ Banggai ជាកន្លែងអ្នកភូមិនៅទីនោះល្បីរកឃើញទេវតា ប៉ូលិសបានឲ្យដឹងថាគឺជាតុក្កតាដែលរកឃើញដោយបុរសម្នាក់។ អ្នកភូមិឈ្មោះ Pardin ជាអ្នករកឃើញតុក្កតាខាងលើកាលពីខែមិនាកន្លងទៅនៅពេលដែលលោកកំពុងរកត្រី គឺក្រោយពេលដែលបាតុភូតសូរ្យគ្រាសបានកើតឡើងនៅប្រទេសឥណ្ឌូណេស៊ីមួយថ្ងៃ។
ក្រុមប៉ូលិសស៊ើបអង្កេតបានឲ្យដឹងទៀតថា លោក Pardin បានយកតុក្កតាទៅផ្ទះរបស់លោកដោយមានការគោរពពីអ្នកភូមិជាច្រើន។ ដើម្បីជាការគោរព ម្ដាយរបស់ Pardin ក៏បានគោរពផ្លាស់ប្ដូរសំលៀកបំពាក់រៀងរាល់ថ្ងៃដល់តុក្កតាផងដែរ ជាពិសេសគេអាចឃើញតុក្កតាអង្គុយរួមដំណើរលើទូកជាមួយអ្នកភូមិទៀតផង។
ក្រោយស៊ើបអង្កេតដឹងរឿងច្បាស់លាស់ ក្រុមប៉ូលិសបានសម្រេចចិត្តដកហូតតុក្កតាខាងលើដើម្បីបញ្ចប់ការយល់ច្រឡំនោះ។
មេបញ្ជាការប៉ូលិសក្នុងតំបន់ម្នាក់ គឺលោកHeru Pramukarno បានឲ្យដឹងថា៖ "ពួកគេពុំមានអ៊ីនធឺណិតប្រើប្រាស់នោះទេ ហើយពួកគេក៏ពុំបានដឹងថាវត្ថុនោះជាតុក្កតាសិចនោះដែរ"៕
ប្រែសម្រួល៖ មាន រតនា ប្រភព៖ AFP