Gucci ព្រមានហាងមួយចំនួននៅចិន ដោយសារយកម៉ាកគេធ្វើរបស់សែន
- 2016-05-04 16:29:20
- ចំនួនមតិ 0 | ចំនួនចែករំលែក 0
Gucci ព្រមានហាងមួយចំនួននៅចិន ដោយសារយកម៉ាកគេធ្វើរបស់សែន
ចន្លោះមិនឃើញ
ក្រុមហ៊ុនម៉ូដដ៏ល្បីរបស់អ៊ីតាលី Gucci បានផ្ញើក្រដាសព្រមានមួយសន្លឹកទៅហាងលក់របស់របរសែន៦ទីតាំងនៅហុងកុង ដើម្បីបញ្ឈប់ការលក់ក្រដាសសែន និងកាបូបក្រដាសសម្រាប់ដុតសែន ដែលមានផ្លាកសញ្ញា Gucci ។
បើតាមសម្ដីអ្នកនាំពាក្យរបស់ Gucci បានប្រាប់ទៅ BBC ថា សំបុត្រនោះគ្រាន់តែចង់ប្រាប់ទៅម្ចាស់ហាងទាំង៦ ថាពួកគេបានរំលោភលើផ្លាកសញ្ញាផលិតផល Gucci ហើយ មិនមែនគំរាមចាប់ចងលើផ្លូវច្បាប់ទេ។ ក្រុមហ៊ុនបានបន្ថែមទៀតថា ពួកគេយល់ពីទឹកចិត្តកូនចៅចង់សែនរបស់ល្អទៅបងប្អូនដែលបានស្លាប់ ហើយជឿជាក់ថាអ្នកលក់ទាំងនោះមានបំណងចង់រំលោភបំពានដែរ។
អស់រយៈពេលជាច្រើនឆ្នាំក្រុមហ៊ុន Gucci បានព្យាយាមបង្ក្រាបការលក់ផលិតផលក្លែងក្លាយរបស់ខ្លួនក្នុងទីផ្សារប្រទេសចិន។ ជាក់ស្ដែងកាលពីឆ្នាំមុន ក្រុមហ៊ុនម៉ូដ Kering ដែលជាក្រុមហ៊ុនធំរបស់Gucci បានប្ដឹងក្រុមហ៊ុនលក់តាមអនឡាញដ៏ល្បីរបស់ចិនAlibaba ព្រោះតែពួកគេលក់ផលិតផលក្លែងក្លាយរបស់ Kering៕
ចុចអាន៖ល្បីខ្លាំងពេក រូប Song Joong Ki ត្រូវគេយកមកបោះពុម្ពលើលុយខ្មោច
ប្រែសម្រួល៖ ហេង សុធារិទ្ធិ ប្រភព៖ shanghaiist