បុរសសង្ហា មុំ សុធារ៉ា បង្ហើបអាថ៌កំបាំងងាយៗធ្វើឲ្យស្បែកស្អាត
- 2016-05-04 17:47:54
- ចំនួនមតិ 0 | ចំនួនចែករំលែក 0
បុរសសង្ហា មុំ សុធារ៉ា បង្ហើបអាថ៌កំបាំងងាយៗធ្វើឲ្យស្បែកស្អាត
ចន្លោះមិនឃើញ
បន្ទាប់ពីចូលសម្ដែងបានមួយរយៈ និងក្ដោបបានតំណែងតួឯកបន្តបន្ទាប់ មុំ សុធារ៉ា ត្រូវបានទស្សនិកជនចាប់អារម្មណ៍នឹងរូបរាងស្រស់សង្ហា និងពណ៌សម្បុរស្បែករបស់លោកថាស្អាតដូចមនុស្សស្រី។ ព្រមជាមួយគ្នានោះដែរសាមីខ្លួនបានបង្ហើបថាលោកមានអាថ៌កំបាំងតិចតួចដែលធ្វើឲ្យស្បែកស្អាតបាននោះគឺឧស្សាហ៍ហាត់ប្រាណ។
ថ្ងៃនេះ និស្សិតបញ្ចប់ថ្នាក់អនុបណ្ឌិតខាងផ្នែកគ្រប់គ្រងរូបនោះបានប្រាប់ Sabay ពីអាថ៌កំបាំងងាយៗទាំងនោះដែលធ្វើឲ្យលោកថែរក្សាស្បែកឲ្យនៅតែស្អាត និងមើលទៅក្មេងជាងវ័យបានគឺការហាត់ប្រាណជាប្រចាំ។ ជារៀងរាល់ថ្ងៃលោកតែងហាត់ប្រាណយ៉ាងតិចឲ្យបាន១ម៉ោង និងការទទួលទានទឹកឲ្យបានច្រើនជាពិសេស គឺផ្លែឈើគ្រប់ប្រភេទព្រោះសម្បូរទៅដោយសារជាតិវីតាមីនគ្រប់ប្រភេទដែលជួយទ្រទ្រង់សុខភាព និងសម្រស់។
“ចំពោះបង ជាធម្មតាបងហាត់ប្រាណលើកអាល់ទែ ១ម៉ោងក្នុងមួយថ្ងៃដើម្បីឲ្យមានរាងស្អាត និងបែកញើសបញ្ចេញជាតិពុលពីក្នុងខ្លួន។ ចំណែកផ្លែឈើវិញ គឺខ្ញុំញ៉ាំគ្រប់ប្រភេទ តែប៉ម ចេក និងល្ហុងជាផ្លែឈើដែលញ៉ាំរាល់ថ្ងៃ។ ទាំងអស់នេះជាវិធីងាយៗដែលបុរសគ្រប់រូបអាចធ្វើបានដែរ”។
ជាចុងក្រោយ ធារ៉ា ក៏បានប្រាប់ពីការការពារស្បែកមុខ និងខ្លួនថា មុនចេញទៅក្រៅ គឺបានលាបឡេការពារ ហើយពេលត្រលប់មកវិញលោកមិនទាន់លុបលាងមុខភ្លាមៗទេ រង់ចាំឲ្យស្បែកត្រជាក់ស៊ុំានឹងបរិយាកាសក្នុងផ្ទះសិន ចាំលាងសម្អាតជាមួយហ្វូមលាងមុខ ហើយពេលយប់លោកនឹងលាបជាប្រភេទឡេផ្ដល់សំណើមផ្សេងទៀត៕
អត្ថបទ៖ទ្រី រ៉ាវី