ជួលដាច់សណ្ឋាគារ៥០បន្ទប់ សង្ឃឹមថាបានជួប Song Joong Ki
- 2016-05-04 16:55:50
- ចំនួនមតិ 0 | ចំនួនចែករំលែក 0
ជួលដាច់សណ្ឋាគារ៥០បន្ទប់ សង្ឃឹមថាបានជួប Song Joong Ki
ចន្លោះមិនឃើញ
អ្នកគាំទ្រផ្កាប់មុខមួយរូបរបស់តារាសម្ដែងកូរ៉េ Song Joong Ki នៅក្នុងខេត្ត Xiamen ប្រទេសចិនបានធ្វើឲ្យប្រទេសខ្លួនភ្ញាក់ផ្អើលនៅពេលហ៊ានប៉ាវដាច់សណ្ឋាគារមួយទាំងមូលដោយសង្ឃឹមថានឹងអាចមានឱកាសជួបនឹង idol របស់ខ្លួន។
គេមិនអាចបដិសេធទេថា រឿងភាគកូរ៉េ "Descendants of the Sun” បានធ្វើឲ្យកេរ្តិ៍ឈ្មោះរបស់តារាសម្ដែង Song Joong Ki ល្បីខ្ទរខ្ទារសព្វអាស៊ីជាពិសេសគឺនៅចិនតែម្ដង។ បណ្ដាញព័ត៌មានចិនបានរាយការណ៍ថា ក្នុងខែឧសភានេះ Song Joong Ki នឹងប្រារព្ធធ្វើកម្មវិធីជួបជុំអ្នកគាំទ្ររបស់ខ្លួននៅក្នុងប្រទេសនេះ ធ្វើឲ្យអ្នកគាំទ្រស្រីជ្រួលច្របល់មិនស្ទើរ។
ខណៈកំពុងធ្វើការនៅលើអ៊ីនធឺណិត នារីចិនមួយរូបឈ្មោះ Ly Wu បានឃើញពាណិជ្ជកម្មមួយដោយចៃដន្យ ថា៖ "កក់បន្ទប់សណ្ឋាគារអនឡាញ មានឱកាសឈ្នះសំបុត្រ fan meeting របស់ Song Joong Ki”។ មិនខ្ចីគិតយូរ នារីវ័យក្មេងរូបនេះបានយកប្រាក់សន្សំរបស់ខ្លួនជាយូរមកហើយនោះ មកកក់៥០បន្ទប់ដែលមានន័យថានាងបានម៉ៅដាច់សណ្ឋាគារនោះទាំងមូល ដោយសង្ឃឹមថានាងនឹងមានសំណាងបានជួប idol របស់ខ្លួន។ Ly Wu បានសម្ដែងការត្រេកអរថានាងពិតជាអន្ទះសាចង់ជួប Song Joong Ki ខ្លាំងណាស់ហើយក៏មិនស្ដាយនូវអ្វីដែលខ្លួនបានចំណាយនោះដែរ៕
ចុចអាន៖ធ្លាយតម្លៃផ្ទះ Song Joong Ki រស់នៅសព្វថ្ងៃខ្ទង់លានដុល្លារ
ប្រែសម្រួល៖ សុវណ្ណផៃ ប្រភព៖kenh14