Real Madrid ឬ Man City ទៅជួប Atl Madrid នៅវគ្គផ្តាច់ព្រ័ត្រ?
- 2016-05-04 21:42:47
- ចំនួនមតិ 0 | ចំនួនចែករំលែក 0
Real Madrid ឬ Man City ទៅជួប Atl Madrid នៅវគ្គផ្តាច់ព្រ័ត្រ?
ចន្លោះមិនឃើញ
ក្រុមយក្សអេស្ប៉ាញ Real Madrid នឹងបើកទ្វារកីឡដ្ឋាន Santiago Bernabeu ទទួលភ្ញៀវក្រុមអង់គ្លេស Manchester Cityក្នុងការប្រកួត UEFA Champions League វគ្គពាក់កណ្ដាលផ្ដាច់ព្រ័ត្រ ជើងទី២ នៅយប់នេះ វេលាម៉ោង០១:៤៥នាទី។
នៅទឹកដីអង់គ្លេសកាលជើងទី១ ទាំង Manchester City និង Real Madrid សុទ្ធតែមិនអាចទម្លាយសំណាញ់ទីគ្នាបាន ពោលបានត្រឹមស្មើគ្នា ០-០ ប៉ុណ្ណោះ ដូច្នេះយប់នេះ ចាំមើលថាតើក្រុមណាអាចយកឈ្នះ ហើយ ឡើង វគ្គផ្ដាច់ព្រ័ត្រ?
សំដីអ្នកចាត់ការ៖
Zinédine Zidane អ្នកចាត់ការ ៖ "ការប្រកួតយប់នេះនឹងតានតឹងព្រោះវាជាប្រកួតកាត់សេចក្ដីដើម្បីរក ក្រុមទៅកាន់វគ្គផ្ដាច់ព្រ័ត្រ។ គូប្រជែងយើងមានកីឡាករល្អៗពិសេសខ្សែប្រយុទ្ធ យើងនឹងលេងដោយប្រុង ប្រយ័ត្នបំផុត។"
Manuel Pellegrini អ្នកចាត់ការ ៖ "គោលដៅរបស់ក្រុមគឺវគ្គផ្ដាច់ព្រ័ត្រដែលយើងមិនធ្លាប់ទៅដល់កាលពី មុន។ ពួកយើងមានជំនឿចិត្តលើសមត្ថភាព ហើយរំពឹងថានឹងអាចធ្វើបាននៅទឹកដី Santiago Bernabéu។ ខ្ញុំធ្លាប់មានអនុស្សាវរីយ៍ល្អនៅទីនេះ ( Santiago Bernabéu)។ អ្នកគាំទ្រនឹងដាក់សម្ពាធលើក្រុមភ្ញៀវខ្លាំង ប៉ុន្តែយើងមានការតាំងចិត្តខ្ពស់ដើម្បីជ័យជម្នះ។"
ជើងកីឡាករ៖
ម្ចាស់ផ្ទះ Real Madrid មានកីឡាករ២រូបកំពុងរងរបួសដូចជាខ្សែប្រយុទ្ធ Benzema (របួសសរសៃពួរ) Casemiro (របួសត្រគាក)។ ដូច្នេះជម្រើស១១នាក់ដំបូងអាចជា៖ Navas; Carvajal, Ramos, Pepe, Marcelo; Modrić, Kroos, Isco; Bale, Jesé, Ronaldo៕
រីឯក្រុមភ្ញៀវ Manchester City វិញរបួសកីឡាករ២រូបដែរ មាន Silva (របួសសរសៃពួរ) និង Zabaleta (របួសកំភួនជើង)។ ជម្រើស១១នាក់ដំបូងអាចជា៖ Hart; Sagna, Otamendi, Kompany, Clichy; Fernando, Fernandinho; Navas, Touré, De Bruyne; Agüero ។
ប្រវត្តិជួបគ្នា៖
មុនស្មើគ្នា ០-០ កាលពីសប្ដាហ៍មុន ក្រុមទាំងពីរធ្លាប់ជួបគ្នា ២ដងនៅ Champions League រដូវកាល ២០១២ - ១៣ ដែលកាលណោះជើងទីមួយនៅទឹកដី Man City គឺស្មើគ្នា ១-១ ហើយជើងទី២ ក្រុមReal Madrid បានយកឈ្នះ ៣-២។
ព្យាករណ៍គូនេះគឺ៖ Real Madrid ១-១ Manchester City, ចុះប្រិយមិត្តយល់យ៉ាងណាដែរ?
ប្រែសម្រួល៖ វីរ៉ុត ប្រភព៖ UEFA