កីឡាករ Leicester បានរង្វាន់រថយន្ត Mercedes ម្នាក់១គ្រឿង
- 2016-05-05 18:33:11
- ចំនួនមតិ 0 | ចំនួនចែករំលែក 0
កីឡាករ Leicester បានរង្វាន់រថយន្ត Mercedes ម្នាក់១គ្រឿង
ចន្លោះមិនឃើញ
ម្ចាស់ក្លឹប Leicester City សេដ្ឋីថៃ Vichai Srivaddhanaprabha នឹងផ្ដល់រង្វាន់រថយន្ត Mercedes ម្នាក់១គ្រឿង ដល់កីឡាករក្រុមកញ្ជ្រោងខៀវរបស់លោកទាំងអស់ចំនួន៣០នាក់ បន្ទាប់ពីពួកគេជួយឲ្យក្រុមឈ្នះពាន Premier League ជាលើកដំបូងក្នុងប្រវត្តិសាស្ត្រក្លឹប នៅរដូវកាលនេះ។
បើតាម Sportsmail បានឲ្យដឹងថា កីឡាកររបស់ក្រុម Leicester ទាំងអស់ នឹងទទួលបានរង្វាន់រថយន្តស៊េរីថ្មី Mercedes B-Class Electric Drive ម្នាក់១គ្រឿង ខណៈដែលរថយន្តរបស់ក្រុមហ៊ុនអាល្លឺម៉ង់នេះ ១គ្រឿងមានតម្លៃ ៣២៦៧០ផោន (ជាង៤៧៤០០ដុល្លារ)។
ក្រៅពីផ្ដល់រង្វាន់ឡាន ម្ចាស់ក្លឹបវ័យ៥៨ឆ្នាំ Srivaddhanaprabha ក៏បានសន្យាជាមួយក្រុមលោក Claudio Ranieri ថា នឹងនាំពួកគេទាំងអស់ទៅធ្វើពិធីជប់លៀងសប្បាយនៅកន្លែងថ្លៃ នាទីក្រុង Las Vegas សហរដ្ឋអាមេរិកផងដែរ សម្រាប់ជោគជ័យដ៏ធំនេះ។
ក្លឹប Leicester បានបង្កើតឡើងនៅឆ្នាំ ១៨៨៤ (១៣២ឆ្នាំមកទល់បច្ចុប្បន្ន) និងទើបឈ្នះពានលីគកំពូលអង់គ្លេសលើកដំបូងនៅរដូវកាលនេះ បន្ទាប់ពីក្រុមលេខ២ Tottenham Hotspurs ស្មើ Chelsea ២-២ កាលពីយប់ថ្ងៃច័ន្ទ៕
ប្រែសម្រួល៖ វិន ជីវ័ន្ត ប្រភព៖ dailymail