ភោជនីយដ្ឋានស្រាតត្រៀមបើកនៅទីក្រុងឡុងដ៏ ភ្ញៀវកក់មុនជាង៣ម៉ឺននាក់

2016-05-05 21:33:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ភោជនីយដ្ឋានអាក្រាតកាយឈ្មោះ Bunyadi គ្រោងបើកដំបូងគេនៅទីក្រុងឡុងដ៏ ប្រទេសអង់គ្លេស នៅប៉ុន្មានខែក្រោយ ដោយមានអ្នកចុះឈ្មោះទិញសំបុត្រជាង ៣,៣ម៉ឺននាក់រួចហើយ គិតមកត្រឹមពេលនេះ។

ភោជនីយដ្ឋានចម្លែកដែលតម្រូវឲ្យភ្ញៀវដោះសំលៀកបំពាក់ចេញ ពេលចូលទទួលទានអាហារនេះ នឹងបើកនៅខែមិថុនា ចំកណ្ដាលទីក្រុង។ ទោះបីជាមានចំនួនភ្ញៀវរាប់ម៉ឺននាក់ដាក់ពាក្យក្ដី ប៉ុន្តែភោជនីយដ្ឋាននឹងជ្រើសឲ្យចូលម្ដងតែ ៤២នាក់ប៉ុណ្ណោះទាំងស្រី ទាំងប្រុស។

ភ្ញៀវម្នាក់ត្រូវចំណាយ ៩៥ដុល្លារ សម្រាប់ទទួលទានអាហារថ្ងៃត្រង់ ឬពេលល្ងាច និងភេសជ្ជៈ តែក៏មានជម្រើសសម្រាប់ភ្ញៀវចង់អង្គុយកន្លែងធម្មតា ឬកន្លែងអាក្រាតកាយដែរ ដោយមានបុគ្គលិកអាក្រាតកាយពាក់កណ្ដាលខ្លួន រង់ចាំទទួលភ្ញៀវ ។

លក្ខខណ្ឌមួយទៀត ភ្ញៀវទាំងអស់មិនអនុញ្ញាតឲ្យថត Selfie ឬយកឧបករណ៍អេឡិចត្រូនិកចូលភោជនីយដ្ឋានក្រោមភ្លើងទៀននេះទេ។ ដើម្បីបង្កើតបរិយាកាសតាមបែបធម្មជាតិសុទ្ធសាធ ទាំងភោជនីយដ្ឋាន និងចង្ក្រានបាយ នឹងមិនប្រើភ្លើងអគ្គិសនី ឬហ្គាសចម្អិនអាហារឡើយ៕