សកលវិទ្យាល័យនៅអាស៊ីឡើងចំណាត់ថ្នាក់ល្អ ខណៈសកលល្បីនៅអង់គ្លេសធ្លាក់លេខ
- 2016-05-06 17:25:57
- ចំនួនមតិ 0 | ចំនួនចែករំលែក 0
សកលវិទ្យាល័យនៅអាស៊ីឡើងចំណាត់ថ្នាក់ល្អ ខណៈសកលល្បីនៅអង់គ្លេសធ្លាក់លេខ
ចន្លោះមិនឃើញ
តាមការចុះផ្សាយរបស់ BBC លទ្ធផលនៃការធ្វើចំណាត់ថ្នាក់សកលវិទ្យាល័យពិភពលោកប្រចាំឆ្នាំ២០១៥-២០១៦ បានរៀបចំនិងបង្ហាញនាពេលថ្មីៗនេះដោយទស្សនាវដ្ដីអង់គ្លេស Time Higher Education (THE) ។
លទ្ធផលចំណាត់ថ្នាក់ពិភពលោកក្នុងឆ្នាំ២០១៦ថ្មីៗនេះ សកលវិទ្យាល័យនៅបណ្ដាប្រទេសអាស៊ីចំនួន១៧សកលវិទ្យាល័យបានជាប់ក្នុងចំណាត់ថ្នាក់កំពូលទាំង១០០ ដែលប្រៀបធៀបពីឆ្នាំ២០១៥គឺមានតែ១០សកលវិទ្យាល័យប៉ុណ្ណោះ។ ចំពោះអត្រាចំណាត់ថ្នាក់កេរ្តិ៍ឈ្មោះល្បីនៃសកលវិទ្យាល័យនៅអាស៊ី មានដូចជាសកលវិទ្យាល័យ តូក្យូ ប្រទេសជប៉ុន(លេខ១២) សកលវិទ្យាល័យចិនTsinghua ប្រទេសចិន (លេខ១៨) សកលវិទ្យាល័យ Peking ប្រទេសចិន (លេខ២១) និងសកលវិទ្យាល័យជាតិសិង្ហបុរី ប្រទេសសិង្ហបុរី (លេខ២៦)។
ដោយឡែកចំពោះសកលវិទ្យាល័យល្បីៗមួយចំនួននៅប្រទេសអង់គ្លេសវិញបានធ្លាក់លេខក្នុងការធ្វើចំណាត់ថ្នាក់ពិភពលោកឆ្នាំនេះ តួយ៉ាងដូចជាសកលវិទ្យាល័យ Cambridge និងសកលវិទ្យាល័យ Oxford បើប្រៀបធៀបនឹងចំណាត់ថ្នាក់នៅឆ្នាំ២០១៥។ យ៉ាងណាក្ដី សកលវិទ្យាល័យចំនួន១០នៅអង់គ្លេសជាប់ចំណាត់ថ្នាក់ក្នុងចំណោមសកលវិទ្យាល័យកំពូលទាំង១០០ដែលមានកិត្តិនាមល្បី។
គួរបញ្ជាក់ថាចំណាត់ថ្នាក់សកលវិទ្យាល័យលំដាប់ពិភពលោក បានរៀបចំធ្វើឡើងដោយ ទស្សនាវដ្ដីអង់គ្លេសTime Higher Education ដែលរាយការណ៍ព័ត៌មានអំពីការអប់រំកម្រិតឧត្ដមសិក្សា។ ការធ្វើចំណាត់ថ្នាក់ធ្វើដោយគណៈកម្មការអន្តរជាតិដោយវាយតម្លៃផ្អែកលើ បេសកកម្មចម្បង ការបង្រៀន ការស្រាវជ្រាវ ការផ្ទេរចំណេះដឹង និងទស្សនៈវិស័យជាអន្តរជាតិរបស់សកលវិទ្យាល័យលើពិភពលោក៕
ចុចអាន៖ តម្លៃសិក្សា មហាវិទ្យាល័យបច្ចេកវិទ្យាវិស្វកម្មកំពូលទាំង ១០ នៅអាស៊ី
ប្រែសម្រួល៖ មាន រតនា ប្រភព៖ BBC, timeshighereducation