រកឃើញបំណែក សង្ស័យឧទ្ធម្ភាគចក្រម៉ាឡេស៊ីបាត់ខ្លួនល្ងាចមិញ
- 2016-05-07 00:21:27
- ចំនួនមតិ 0 | ចំនួនចែករំលែក 0
រកឃើញបំណែក សង្ស័យឧទ្ធម្ភាគចក្រម៉ាឡេស៊ីបាត់ខ្លួនល្ងាចមិញ
ចន្លោះមិនឃើញ
ក្រុមមន្ត្រីជួយសង្គ្រោះ និងស្វែងរកម៉ាឡេស៊ី បានរកឃើញបំណែកយន្តហោះ ដែលគេសង្ស័យថាជារបស់ឧទ្ធម្ភាគចក្របាត់ខ្លួននៅរដ្ឋ Sarawak កាលពីថ្ងៃព្រហស្បតិ៍ម្សិលមិញ។ នេះបើតាមនាយករដ្ឋមន្ត្រីម៉ាឡេស៊ី Najib Razak បានថ្លែងឲ្យដឹងនៅថ្ងៃសុក្រនេះ។
នាយករដ្ឋមន្ត្រីម៉ាឡេស៊ី ថ្លែងនៅព្រលានយន្តហោះ Kuching
បំណែកអណ្ដែតទឹក ជាផ្នែកនៃបន្ទះឧទ្ធម្ភាគចក្រ ត្រូវបានគេរកឃើញនៅទន្លេ Batang Lupar កាលវេលាម៉ោង ១២រសៀល នៅរដ្ឋភាគខាងកើតប្រទេស។ ក្នុងនោះគេឃើញស្លាប ផ្នែកតួខ្លះ និងកៅអីអង្គុយ។
ក្នុងការសន្និដ្ឋានថាឧទ្ធម្ភាគចក្រនេះ ធ្លាក់ចូលទន្លេ "វាហាក់ដូចជាលឿនពេក អីចឹងទុកឲ្យក្រុមស៊ើបអង្កេតវិភាគច្បាស់លាស់សិន"។ នេះបើតាមសម្ដីអ្នកស៊ើបអង្កេតម្នាក់លោក Azharuddin ។
សូមបញ្ជាក់ថា ឧទ្ធម្ភាគចក្របាត់ខ្លួនខាងលើ មានផ្ទុកមនុស្ស ៦នាក់ ក្នុងនោះមានអនុរដ្ឋមន្ត្រីប្រចាំរដ្ឋ Sarawak ម្នាក់ និងសមាជិកសភាម្នាក់ដែរ៕
ចុចអាន៖ បាត់ខ្លួនឧទ្ធម្ភាគចក្រ ដឹកអនុរដ្ឋមន្ត្រីម៉ាឡេស៊ីល្ងាចមិញ
ប្រែសម្រួល៖ ឡេង ភារុណ ប្រភព៖ Channel NewsAsia