ស្រីស្អាតរៀបការនឹងស្រីស្អាត បង្ហោះរូប Pre Wedding ផ្អើល Facebook

2016-05-07 18:20:21
ចំនួនមតិ 0 | ចំនួនចែករំលែក 0

ចន្លោះមិនឃើញ

គូស្នេហ៍ Lesbian (ស្រីស្រឡាញ់ស្រី) មួយគូនៅប្រទេសថៃ បានទាញចំណាប់អារម្មណ៍អ្នកលេងបណ្ដាញសង្គមជាច្រើន បន្ទាប់ពីរូបថត Pre-Wedding របស់ពួកគេត្រូវបានបង្ហោះឡើងកាលពីពេលថ្មីៗនេះ។

គូស្នេហ៍ដែលមានអាយុ២៧ឆ្នាំទាំងពីរនាក់ មានឈ្មោះ Nuk Nick ជាអ្នកធ្វើការ Freelanceនិងម្នាក់ទៀតឈ្មោះ Nam Whan ជាជំនួយការឱសថស្ថាន។ ទាំងពីររូបសុទ្ធតែធ្លាប់មានសង្សារជាមនុស្សប្រុស ប៉ុន្តែចុងក្រោយពួកគេបានសម្រេចចិត្តចាប់ដៃកសាងសុភមង្គលជាមួយមនុស្សស្រីដូចគ្នា។

អ្នកទាំងពីរបានជួបគ្នាលើកដំបូងក្នុងកម្មវិធីជួបជុំរបស់ក្រុម Lesbian ប៉ុន្តែមិនបានទាក់ទងគ្នានៅឡើយនៅពេលនោះ ដោយសារម្នាក់ៗសុទ្ធតែមានសង្សាររៀងខ្លួន។ រហូតដល់ពេលមួយ នៅពេលមានបញ្ហាបែកបាក់ស្នេហាដូចគ្នា អ្នកទាំងពីរក៏បានផ្ញើសារឆ្លើយឆ្លងលេងតាមបណ្ដាញសង្គម រួចក៏រាប់អានគ្នាជាមិត្តនិងចាប់ផ្ដើមមានអារម្មណ៍ល្អជាមួយគ្នាទៅវិញទៅមក។ មួយខែក្រោយមក ពួកគេក៏ចាប់ផ្ដើមទំនាក់ទំនងស្នេហាជាមួយគ្នា ដោយ Nuk Nick គឺជាអ្នកចាប់ផ្ដើមមុន។

នៅថ្ងៃខួបគម្រប់មួយឆ្នាំនៃការចាប់ផ្ដើមស្នេហារបស់ពួកគេ Nuk Nick បានរៀបចំធ្វើឲ្យដៃគូស្នេហារបស់ខ្លួនភ្ញាក់ផ្អើល ដោយការសុំរៀបការ។ ពួកគេបានសម្រេចចិត្តរៀបការជាមួយគ្នា ហើយក៏ថតរូប Pre Wedding ដ៏ផ្អែមល្ហែម ឲ្យអ្នកគ្រប់គ្នាបានឃើញ។ បើទោះជាត្រូវហែលឆ្លងឧបសគ្គច្រើន ប៉ុន្តែពួកគេតាំងចិត្តថានឹងតស៊ូជាមួយគ្នារហូតដល់ទីបំផុត។

រឿងរ៉ាវស្នេហារបស់អ្នកទាំងពីរកាន់តែទទួលបានការចាប់អារម្មណ៍ថែមទៀត បន្ទាប់ពីពួកគេត្រូវបានអញ្ជើញចូលសម្ភាសន៍ក្នុងកម្មវិធីទូរទស្សន៍មួយ។ ខាងក្រោមនេះគឺជាវីដេអូសម្ភាសន៍របស់ពួកគេ៖