កីឡាករកាមេរ៉ូនម្នាក់ស្លាប់ ក្រោយគាំងបេះដូងពេលប្រកួត
- 2016-05-07 20:30:09
- ចំនួនមតិ 0 | ចំនួនចែករំលែក 0
កីឡាករកាមេរ៉ូនម្នាក់ស្លាប់ ក្រោយគាំងបេះដូងពេលប្រកួត
ចន្លោះមិនឃើញ
កីឡាករបាល់ទាត់អាជីពមួយរូបរបស់ក្លឹបDinamo Bucharestនៃប្រទេសរូម៉ានីឈ្មោះ Patrick Ekeng បានស្លាប់បាត់បង់ជីវិតក្នុងវ័យ២៦ឆ្នាំ បន្ទាប់ពីគាំងបេះដូងនៅអំឡុងពេលប្រកួត។
នៅក្នុងការប្រកួតលីគរ៉ូម៉ានីរវាងក្រុម Dinamo និងViitorul នៅនាទី៧០គេឃើញ Patrick Ekeng ដួលនៅលើទីលាន ហើយអាជ្ញាកណ្ដាលបានផ្អាកការប្រកួត និងដឹករូបគេទៅសង្គ្រោះបន្ទាន់ភ្លាមៗ។ យ៉ាងណាក៏ដោយតារាស្បែកខ្មៅសញ្ជាតិ កាមេរ៉ូន ត្រូវបានប្រកាសថាស្លាប់បាត់ទៅហើយ ក្រោយបញ្ជូនទៅ មន្ទីរពេទ្យបាន២ម៉ោង។
កាលពីឆ្នាំ២០០៣ កីឡាករជម្រើសជាតិកាមេរ៉ូនម្នាក់ដែរឈ្មោះ Marc-Vivien បានស្លាប់ដោយសារគាំង បេះដូង ក្នុងការប្រកួតកម្មវិធី Confederations Cup ទល់នឹងក្រុមជម្រើសជាតិ កូឡុំប៊ី នៅប្រទេសបារាំង៕
ប្រែសម្រួល៖ វីរ៉ុត ប្រភព៖ BBC