ព្រលឹងខ្មោចក្មេងស្រីបង្ហាញខ្លួនក្នុងការប្រគំតន្ត្រី
- 2016-05-09 16:03:54
- ចំនួនមតិ 0 | ចំនួនចែករំលែក 0
ព្រលឹងខ្មោចក្មេងស្រីបង្ហាញខ្លួនក្នុងការប្រគំតន្ត្រី
ចន្លោះមិនឃើញ
រូបថតដ៏គួរឲ្យព្រឺសម្បុរមួយសន្លឹកដែលត្រូវបានផ្ដិតបាននៅក្នុងការប្រគំតន្ត្រី Good Life Festivalនៅក្នុងទីក្រុង Brisbane ប្រទេសអូស្ត្រាលីបានបង្ហាញឲ្យឃើញពីព្រលឹងក្មេងស្រីម្នាក់កំពុងកាន់តុក្កតាខ្លាឃ្មុំឈរនៅជិតឆាក។
បើមើលពីចម្ងាយ រូបថតមួយសន្លឹកនេះ គ្រាន់តែបង្ហាញពីហ្វូងមនុស្សកំពុងរាំងយ៉ាងជក់ចិត្តនៅក្នុងកម្មវិធីចម្រៀងតែប៉ុណ្ណោះ។ តែនៅពេលបង្រួមឲ្យជិតទៅ ទើបគេឃើញចំណុចដ៏ព្រឺក្បាលនៅជ្រុងខាងស្ដាំ។ នៅពេលសង្កេតឲ្យដិតដល់ទៅ គេឃើញថា នេះគឺជាព្រលឹងខ្មោចក្មេងស្រីមួយរូប ជាមួយនឹងសក់វែងខ្មៅ ដែលនៅក្នុងដៃកំពុងកាន់តុក្កតាខ្លាឃ្មុំមួយ។
ថ្នាក់ដឹកនាំរបស់ការប្រគំតន្ត្រី Goodlife Festival បានចេញសេចក្ដីថ្លែងការណ៍តាមរយៈទំព័រ Facebook របស់ខ្លួនថាពួកគេបានស៊ើបអង្កេតរឿងនេះ ហើយរូបភាពនេះគឺជារូបពិតមិនមែនកាត់តឡើយ។ "ពួកយើងបានត្រួតពិនិត្យជាមួយជាងថត ដែលថតរូបភាពនេះហើយរូបដើមពីក្នុង Memory ក៏មានរូបក្មេងស្រីនេះដែរ"។ អ្នករៀបចំកម្មវិធីអះអាង។
បុគ្គលិកដែលរៀបចំកម្មវិធីនេះ បានឲ្យដឹងថាគ្មានអ្នកណាហ៊ានទៅជិតរោងចក្រដែលព្រលឹងខ្មោចនោះបង្ហាញខ្លួននោះទេ។ ពួកគេក៏បានបន្ថែមដែរថា ព្រលឹងខ្មោចនោះមានឈ្មោះថា Lucy ហើយបានស្លាប់កាលពីឆ្នាំ ១៩០៨ បន្ទាប់ពីបានធ្លាក់ពីដំបូលរោងចក្រនោះក្រោយពេលបានព្យាយាមឡើងទៅគេបាញ់កាំជ្រួចនៅទីនេះ៕
ប្រែសម្រួល៖ សុវណ្ណផៃ ប្រភព៖au.news.yahoo