ទិត្យ វិច្ឆិកា លេចមុខថតរឿង"ស្ដេចកន"
- 2016-05-12 20:50:17
- ចំនួនមតិ 0 | ចំនួនចែករំលែក 0
ទិត្យ វិច្ឆិកា លេចមុខថតរឿង"ស្ដេចកន"
ចន្លោះមិនឃើញ
ទិត្យ វិច្ឆិកា ក៏មានវត្តមានចូលរួមថតភាពយន្តបែបប្រវត្តិសាស្ត្ររឿង"ស្ដេចកន"ដែរ ប៉ុន្តែទើបចាប់ផ្ដើមដំណើរការថតប៉ុណ្ណោះ នៅខេត្តសៀមរាប។
តារាចម្រៀងរូបនេះប្រាប់ថា ការពិតរូបលោកត្រូវបានអ្នកដឹកនាំរឿងជ្រើសរើសចូលរួមសម្ដែងតាំងពីដំបូងម្ល៉េះក្នុងតំណែងជាមេទ័ព ចក្រីសង្គ្រាម ប៉ុន្តែព័ត៌មានទើបបញ្ចេញពេលនេះ ព្រោះគិតថាមិនទាន់ដល់ពេល។ "ព្រោះខ្ញុំអត់ទាន់ដល់ថ្ងៃថត ទើបខ្ញុំមិនដែលឱ្យនរណាដឹងនោះទេ ពេលនេះដឹងហើយ"។ វិច្ឆិកា ថ្លែងមកកាន់ Sabay ព្រឹកមិញ។
ជាមួយគ្នានោះ ទិត្យ វិច្ឆិកា បានរំលឹកថា នេះជាលើកទី២ ដែលលោកបានចូលរួមសម្ដែងក្នុងវិស័យភាពយន្ត ខណៈជាង១០ឆ្នាំមុន ក៏ធ្លាប់បានចូលរួមសម្ដែងម្ដងដែរ។
សិល្បករក្នុងឆន្ទៈសង្គមរូបនេះបានបន្ថែមថា លោកមិនទាន់បានដឹងថា ត្រូវចំណាយថតរយៈពេលប៉ុន្មានថ្ងៃនោះទេ អាស្រ័យស្ថានភាពជាក់ស្ដែង និងអ្នកដឹកនាំរឿងជាសម្រេចចិត្ត។ ហើយការងារថតភាពយន្តក៏ មិនបានធ្វើឱ្យប៉ះពាល់ដល់ពេលវេលាធ្វើការងារសប្បុរសធម៌នោះ។ ម្យ៉ាងទៀតលោកអះអាងថា នឹងបែងចែកចំណូលខ្លះពីការថតភាពយន្តនេះ ដើម្បីជួយដល់ជនក្រីក្រ និងចាស់ជរាជាដើម ដូចដែលអ្វីដែលលោកធ្លាប់ធ្វើកន្លងមក៕
អត្ថបទ៖ សំ ជំនាញ
រូបតថ៖ ផ្ដល់ឱ្យ