CR7 ជាប់កំណត់ត្រាថ្មី ដែលនឹងគ្មាននរណាម្នាក់អាចបំបែកបាន?

2016-05-15 16:05:53
ចំនួនមតិ 0 | ចំនួនចែករំលែក 0

ចន្លោះមិនឃើញ

Cristiano Ronaldo បានជាប់កំណត់ត្រាថ្មីដ៏អស្ចារ្យកាលពីយប់មិញ ដោយក្លាយជាកីឡាករដំបូងគេក្នុងប្រវត្តិសាស្ត្របាល់ទាត់ ដែលអាចស៊ុតបានយ៉ាងតិច៥០គ្រាប់ រយៈពេល៦រដូវកាលជាប់ៗគ្នា។

កីឡាករជម្រើសជាតិព័រទុយហ្គាល់ រកបាន២គ្រាប់ម្នាក់ឯង ជួយឲ្យ Real ឈ្នះ Deportivo La Coruna ២-០ នៅប្រកួតចុងក្រោយ La Liga យប់មិញ និងជាគ្រាប់បាល់ទី៥១ របស់គេនៅរដូវកាលនេះ។ រីឯ Lionel Messi របស់ក្រុម Barcelona ធ្លាប់ស៊ុតបានលើស៥០គ្រាប់ តែ៣រដូវកាលជាប់គ្នាទេ នៅចន្លោះឆ្នាំ២០១០-២០១៣។

Ronaldo ក៏នៅមានឱកាសរកគ្រាប់បាល់បន្ថែមទៀតផងដែរ ពេល Real ប៉ះ Atletico Madrid នៅវគ្គផ្ដាច់ព្រ័ត្រ UEFA Champions League នាទីក្រុង Milan នៅចុងខែឧសភានេះ។

ទោះបីជាប់កំណត់ត្រាដ៏អស្ចារ្យនេះមែន ប៉ុន្តែ CR7 បានបាត់បង់ពាន Pichichi (អ្នកស៊ុតបញ្ចូលទីច្រើនជាងគេនៅ La Liga) ដោយស៊ុតបានតែ ៣៥គ្រាប់ប៉ុណ្ណោះរដូវកាលនេះ ចាញ់ Luis Suarez របស់ក្រុម Barca ដែលស៊ុតបានដល់ទៅ៤០គ្រាប់ ហើយក៏បាត់បង់ពាន La Liga ជាមួយក្រុមស្ដេចសថែមទៀត ក្រោយ Barca ឈ្នះ Granada ៣-០ និងចាញ់តែ១ពិន្ទុគត់៕