មនុស្សរាប់ម៉ឺននាក់ផ្អើលមើលយន្តហោះធំបំផុតលើលោក ចុះចតនៅអូស្ត្រាលី
- 2016-05-16 23:04:27
- ចំនួនមតិ 0 | ចំនួនចែករំលែក 0
មនុស្សរាប់ម៉ឺននាក់ផ្អើលមើលយន្តហោះធំបំផុតលើលោក ចុះចតនៅអូស្ត្រាលី
ចន្លោះមិនឃើញ
យន្តហោះដ៏ធំជាងគេបំផុតលើពិភពលោក បានចុះចតនៅប្រទេសអូស្ត្រាលី ធ្វើឲ្យផ្អើលមនុស្សរាប់ម៉ឺននាក់ចោមរោមឈរមើល។
យន្តហោះនេះមានឈ្មោះ Antonov An-255 បានចុះចតនៅព្រលានយន្តហោះ Perth នៅម៉ោង ១២រសៀលកាលពីថ្ងៃអាទិត្យម្សិលមិញ ដោយទាក់ទាញមនុស្សយ៉ាងច្រើនស្រែកហ៊ោកញ្ជ្រៀវ ជាសញ្ញាអបអរសាទរនៃការមកដល់។
បើតាមប្រភពគ្រាន់តែយន្តហោះទម្ងន់ ៦០០តោននេះមកដល់ មនុស្សច្រើនជាង ១៥ ០០០នាក់ ឈរពីចម្ងាយរង់ចាំមើល វារត់លើដី ដោយមានកាន់កាមេរ៉ាចាំផ្ដិតរូបភាព និងវីដេអូរួចជាស្រេច។
យន្តហោះដ៏ធំសម្បើមមិនធ្លាប់មកកាន់ប្រទេសអូស្ត្រាលីឡើយ។ វាបានហោះចេញពីទីក្រុង Prague សាធារណរដ្ឋឆេក កាលពីថ្ងៃសុក្រ ដោយមានដឹកម៉ាស៊ីនរុករករ៉ែទម្ងន់ ១១៧តោន ឲ្យក្រុមហ៊ុន Worsely Alumina នៅភាគខាងលិចអូស្ត្រាលី។
យន្តហោះយក្សនេះមានប្រវែង ៨៤ម៉ែត្រ ជាមួយស្លាបម្ខាងប្រវែង ៨៨ម៉ែត្រ កង់ចំនួន ៣២ ហើយវាមានសមត្ថភាពអាចហោះបាន ១៨ម៉ោង ដោយមិនបាច់ឈប់ចាក់សាំងឡើយ៕
ចុចអាន៖ ទិដ្ឋភាពកម្រយន្តហោះដឹកអ្នកដំណើរធុនធំរបស់ Airbus សម្ដែងលើអាកាស
ចុចអាន៖ ជប៉ុនបង្ហាញយន្តហោះដឹកអ្នកដំណើរដែលខ្លួនផលិតជាលើកដំបូងក្នុងរយៈពេល ៥០ ឆ្នាំ
ចុចអាន៖ យន្តហោះគ្មានជញ្ជាំងដែលធ្លាប់តែជាក្តីស្រមៃនឹងក្លាយជាការពិត
ប្រែសម្រួល៖ ឡេង ភារុណ ប្រភព៖ Daily Mail
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
