ប្រទះបុរសពីរនាក់ មានសំឡេងស្រដៀង ស៊ីន ស៊ីសាមុត

2016-05-21 18:01:07
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ស៊ីន ស៊ីសាមុត ដែលបានចែកឋានជាយូរមកហើយនោះ ត្រូវបានគេប្រសិទ្ធនាមជា "អធិរាជសំឡេងមាស" ដោយសារតែទឹកដមរបស់លោក ក្រអួនក្រអៅ និងអាចប្រើបានច្រើនសណ្ឋានសំឡេង។ ថ្មីៗនេះ មានបុរសពីរម្នាក់ មានសំឡេងស្រដៀង និងមានទឹកដមដូចសំឡេងដូច ស៊ីន ស៊ីសាមុត ត្រូវបានគេប្រទះឃើញលើបណ្ដាញសង្គម។

បុរសទាំងពីរនាក់នេះ ម្នាក់ត្រូវបានស្គាល់ឈ្មោះថា ថន សាមុតស៊ីថុន បច្ចុប្បន្នរស់នៅប្រទេសបារាំង។ ដោយសារតែមានសំឡេងស្ទើរដូចអធិរាជសំឡេងមាសដូច្នេះ អាណិកជនខ្មែររូបនេះ ចូលចិត្តបកស្រាយបទចម្រៀងលោក ស៊ីន ស៊ីសាមុត បំផុត ដែលជារឿយៗ គេឃើញលោកព្យាយាមរិះរកបទដែលកប់បាត់ជាច្រើន បកស្រាយបទចម្រៀងបង្ហោះបណ្ដាញសង្គម។

ដោយឡែក បុរសម្នាក់ទៀត មានឈ្មោះថា បន់ សុខា ក្នុងនោះលោកបានច្រៀងបទ "កុលាបជ្រោយតាព្រហ្ម" របស់លោក ស៊ីន ស៊ីសាមុត បង្ហោះលើហ្វេសប៊ុក ហើយត្រូវប្រិយមិត្តជាច្រើនសរសើរថា ច្រៀងពីរោះ និងមានសំឡេងដូច ស៊ីន ស៊ីសាមុត។

តោះ...ឥឡូវស្ដាប់ពួកគេទាំងអស់គ្នា...