លោកអូបាម៉ា ដោះចិញ្ចៀនចេញ ពេលចាប់ដៃជាមួយប្រជាជននៅវៀតណាម
- 2016-05-24 17:13:14
- ចំនួនមតិ 0 | ចំនួនចែករំលែក 0
លោកអូបាម៉ា ដោះចិញ្ចៀនចេញ ពេលចាប់ដៃជាមួយប្រជាជននៅវៀតណាម
ចន្លោះមិនឃើញ
លោកប្រធានាធិបតីសហរដ្ឋអាមេរិក បារ៉ាក់ អូបាម៉ា ដែលកំពុងស្ថិតនៅទីក្រុងហាណូយ ក្នុងដំណើរទស្សនកិច្ចបីថ្ងៃរបស់លោក បានទទួលការស្វាគមន៍ខ្លាំងពីប្រជាជននៅវៀតណាម។ នេះបើតាមសារព័ត៌មាន Vietnam Net។
តាមប្រភពព័ត៌មានដដែលបានឲ្យដឹងថា កាលពីល្ងាចម្សិលមិញ លោកអូបាម៉ា បានធ្វើដំណើរចេញពីសណ្ឋាគារMarriott ទៅទទួលទាននំបញ្ចុកសាច់ជ្រូកបំពងយ៉ាងសាមញ្ញនៅក្នុងភោជនីយដ្ឋានមួយនៅផ្លូវ Le Van Huu ក្នុងក្រុងហាណូយ។ វត្តមានរបស់ប្រធានាធិបតីអាមេរិកក្នុងហាង អ្នកស្រីម្ចាស់ហាងបាននិយាយកំប្លែងថា ប្រហែលជាលោកស្រីអាចដូរឈ្មោះហាងរបស់ខ្លួនជាហាងនំបញ្ចុក Bun Cha អូបាម៉ា បានដើម្បីទាក់ទាញការចាប់អារម្មណ៍។
ដោយឡែកអ្វីដែលគេកត់សម្គាល់នោះគឺ ពេលលោកប្រធានាធិបតីអាមេរិកបានដើរចេញពីហាងអាហារ ក៏មានការអបអរស្វាគមន៍យ៉ាងច្រើនពីប្រជាពលរដ្ឋនៅវៀតណាម។ អ្វីដែលគេបានចាប់អារម្មណ៍ផងដែរ គឺលោកអូបាម៉ា បានឆ្លៀតដោះចិញ្ចៀនកំពុងពាក់ទុក អំឡុងពេលចាប់ដៃជាមួយប្រជាជននៅវៀតណាម។
គួរបញ្ជាក់ផងដែរថា អំឡុងពេលការចេញមកហូបអាហារនៅខាងក្រៅរបស់ប្រធានាធិបតីសហរដ្ឋអាមេរិកខាងលើ ភ្នាក់ងារសម្ងាត់ Secret Service អាមេរិកក៏បានរៀបចំប្រព័ន្ធការពារនៅអគារទល់មុខហាងអាហារខាងលើផងដែរ៕
ប្រែសម្រួល៖ មាន រតនា ប្រភព៖ vietnamnet