ចិន បង្ហាញឡានក្រុងអនាគត បញ្ចៀសការកកស្ទះបានយ៉ាងអេម
- 2016-05-25 16:37:22
- ចំនួនមតិ 0 | ចំនួនចែករំលែក 0
ចិន បង្ហាញឡានក្រុងអនាគត បញ្ចៀសការកកស្ទះបានយ៉ាងអេម
ចន្លោះមិនឃើញ
ប្រទេសចិន បានបង្ហាញដំណោះស្រាយថ្មីមួយ ដែលអាចដោះស្រាយបញ្ហាធ្វើដំណើរក្នុងប្រទេសរបស់ខ្លួន ជាពិសេសការកកស្ទះចរាចរដែលមានរយៈពេលរាប់សិបម៉ោង។
Transit Elevated Bus គឺជារថយន្តក្រុងដ៏ពិសេសមួយ ដែលអាចធ្វើដំណើរពីលើរថយន្តតូចៗកំពុងបរតាមដងផ្លូវបាន ដោយធ្វើដំណើរលើផ្លូវខ្សែតែមួយ។ រថយន្តក្រុងនេះធ្លាប់បានបង្ហាញមុខរួចម្ដងហើយកាលពីពេលកន្លងទៅ ប៉ុន្តែទើបតែថ្មីៗនេះ គេបានប្រទះឃើញម៉ូដែលតូចៗនៃរថយន្តក្រុងពិសេសនេះ ក្នុងកម្មវិធីបច្ចេកវិទ្យានៅទីក្រុងប៉េកាំង។
យោងតាមវិស្វករទទួលខុសត្រូវលើគម្រោងការនេះឲ្យដឹងថា រថយន្តក្រុងនីមួយៗអាចផ្ទុកមនុស្សបាន ១ ២០០ នាក់។ វាស្រដៀងទៅនឹងរថភ្លើងក្រោមដី ប៉ុន្តែតម្លៃសាងសង់ថោកជាង ៥ ដង និងចំណាយពេលសាងសង់តែមួយឆ្នាំប៉ុណ្ណោះ។
បើការរាយការណ៍របស់សារព័ត៌មានចិនបង្ហាញថា រថយន្តក្រុងនេះនឹងចាប់ផ្ដើមដំណើរការសាកល្បងនៅពាក់កណ្ដាលឆមាសទីពីរឆ្នាំនេះ ដោយធ្វើឡើងនៅក្រុង Qinhuangdao ខេត្ត Hubei ប្រទេសចិន៕
ចុចអាន៖ ទើបដឹង Steve Jobs ជា idol ស្ថាបនិកក្តារចុចឆ្លាតវៃ គ្រុយ វណ្ណា
ប្រែសម្រួល៖ ហៃ សុខហេង ប្រភព៖ Shanghaiist