Mourinho ចង់បានតារាឆ្នើម Real Madrid ២នាក់ ទៅក្រុម Man Utd
- 2016-05-25 16:32:46
- ចំនួនមតិ 0 | ចំនួនចែករំលែក 0
Mourinho ចង់បានតារាឆ្នើម Real Madrid ២នាក់ ទៅក្រុម Man Utd
ចន្លោះមិនឃើញ
Jose Mourinho ដែលនឹងក្លាយជាអ្នកចាត់ការក្រុម Manchester United ឆាប់ៗ មិនដល់ពេល៤៨ម៉ោងខាងមុខនេះ ចង់បានកីឡាករឆ្នើមក្រុម Real Madrid ២នាក់ ទៅកាន់កីឡដ្ឋាន Old Trafford ក្នុងនោះគឺខ្សែប្រយុទ្ធ Karim Benzema ជាគោលដៅទី១ និង Cristiano Ronaldo ក៏អាចវិលត្រឡប់ទៅក្លឹបចាស់ផងដែរ។
លោក Jose Mourinho
Mourinho ចង់រុះរើតំបន់ប្រយុទ្ធខាងលើរបស់ក្រុមបិសាចក្រហម ឲ្យខ្លាំងជាងមុន ខណៈដែលអតីតអ្នកចាត់ការក្រុម Chelsea រូបនេះ រំពឹងថា នឹងចុះកុងត្រាយក Zlatan Ibrahimovic មកពីក្រុម Paris Saint-Germain ក្នុងពេលឆាប់ៗ ហើយលោកនៅតែត្រូវការ Benzema ជាគោលដៅខ្សែប្រយុទ្ធសំខាន់បំផុតម្នាក់ទៀត និងគ្រោងឲ្យ Wayne Rooney លេងជាខ្សែបម្រើវិញ។
ខ្សែប្រយុទ្ធ Karim Benzema
កីឡាករបារាំងវ័យ២៨ឆ្នាំ (Benzema) ធ្លាប់ធ្វើការជាមួយ Mourinho ៣ឆ្នាំ កាលអ្នកចាត់ការសញ្ជាតិព័រទុយហ្គាល់រូបនេះ នៅដឹកនាំ Real Madrid ចន្លោះឆ្នាំ (២០១០-១៣) ដោយក្នុងរយៈពេលនោះរូបគេ បង្ហាញខ្លួន១៥០ប្រកួត ស៊ុតបាន៧៩គ្រាប់។
ខ្សែប្រយុទ្ធ Cristiano Ronaldo
ប្រភពពី The Sun មួយទៀត បានឲ្យដឹងថា Mourinho និងភ្នាក់ងាររបស់លោក Jorge Mendes កំពុងពិភាក្សាគ្នាជាមួយអនុប្រធានក្លឹប Ed Woodward នៅថ្ងៃអង្គារម្សិលមិញ និងបានជជែកគ្នាពីគម្រោងនៃទិញដូរកីឡាករ។ សេចក្ដីរាយការណ៍ដដែលបន្ថែមថា ពួកគេចង់នាំយក Ronaldo ទៅកីឡដ្ឋាន Old Trafford វិញ ប៉ុន្តែក្លឹបត្រូវតែហានចំណាយយ៉ាងតិច ៨០លានផោន ទើបសង្ឃឹមបាន Super Star រូបនេះ៕
ប្រែសម្រួល៖ វិន ជីវ័ន្ត ប្រភព៖ independent | dailystar