Messi៖ Barca ផ្ដល់ឱ្យខ្ញុំគ្រប់យ៉ាង តែខ្ញុំនឹងត្រឡប់ទៅអាហ្សង់ទីនវិញ
- 2016-05-25 19:03:47
- ចំនួនមតិ 0 | ចំនួនចែករំលែក 0
Messi៖ Barca ផ្ដល់ឱ្យខ្ញុំគ្រប់យ៉ាង តែខ្ញុំនឹងត្រឡប់ទៅអាហ្សង់ទីនវិញ
ចន្លោះមិនឃើញ
Lionel Messi បានលើកឡើងថា ខ្លួននឹងវិលត្រឡប់ទៅប្រទេសអាហ្សង់ទីនវិញនៅថ្ងៃណាមួយ នៅពេលបញ្ចប់ភារកិច្ចនៅក្លឹប FC Barcelona។
Messi ជាមួយមិត្តស្រី និងកូនប្រុស Thiago (ពរនៅនឹងដៃ)
កីឡាករវ័យ២៨ឆ្នាំរូបនេះ បានចាកចេញពីប្រទេសកំណើត តាំងពីអាយុ១៣ឆ្នាំ ដើម្បីចូលរួមជាមួយក្រុមយក្សអេស្ប៉ាញ Barcelona បន្ទាប់ពីលេងឲ្យក្រុមឈុតយុវជន Newell's Old Boys ក្នុងទីក្រុង Rosario។
ក្នុងបទសម្ភាសន៍ជាមួយ Sports Illustrated ប្រធានក្រុមអាហ្សង់ទីនរូបនេះ បាននិយាយថា៖ "Barcelona បានផ្ដល់អ្វីៗគ្រប់យ៉ាងដល់ខ្ញុំ ប៉ុន្តែខ្ញុំនឹងត្រឡប់ទៅអាហ្សង់ទីនវិញ ព្រោះខ្ញុំបានចាកចេញពីប្រទេសរបស់ខ្ញុំ តាំងពីតូច។ ខ្ញុំមិនទាន់បានរីករាយជាមួយទីក្រុង Rosario របស់ខ្ញុំ, ជាមួយជនរួមជាតិរបស់ខ្ញុំ គ្រប់គ្រាន់នៅឡើយទេ”។
Messi (ស្តាំ) កាលប៉ះ Sevilla នៅផ្តាច់ព្រ័ត្រពាន Copa del Rey
Messi ទៅនៅប្រទេសអេស្ប៉ាញជិត១៦ឆ្នាំហើយ និងបានលេងឲ្យក្រុម Barca ឈុតធំរយៈពេល១២រដូវកាល ក្នុងនោះបានជួយឲ្យក្រុមអ្នកមានបុណ្យ ឈ្នះ UEFA Champions League ៤ដង, La Liga ៨ដង និងឈ្នះពានរង្វាន់ជាច្រើនទៀត។ រីឯពានរង្វាន់ផ្ទាល់ខ្លួន ខ្សែប្រយុទ្ធឆ្នើមរូបនេះ ឈ្នះ Ballon d'Or ដល់ទៅ៥សម័យកាល៕
ប្រែសម្រួល៖ វិន ជីវ័ន្ត ប្រភព៖ goal | marca