សេចក្ដីព្យាយាម សាមគ្គីភាព និងការឲ្យតម្លៃគ្នានាំឲ្យការងារក្រុមទទួលបានជោគជ័យ

2016-05-25 23:24:58
ចំនួនមតិ 0 | ចំនួនចែករំលែក 0

ចន្លោះមិនឃើញ

Sean ជាកីឡាករខ្សោយម្នាក់នៅក្នុងក្រុមបាល់បោះ ដូចនេះនាថ្ងៃប្រកួតសំខាន់រវាងក្រុមខ្លួនទល់នឹងក្រុមគូប្រកួតចូលមកដល់ ប្រធានក្រុមរបស់ Sean ក៏បានបញ្ចេញមតិផ្ទាល់ខ្លួនប្រាប់ទៅគ្រូបង្វឹកថាមិនគួរឲ្យ Sean ចូលប្រកួតក្នុងវគ្គផ្ដាច់ព្រ័ត្រនោះទេ។

"លោកគ្រូ...ពួកយើងមិនអាចឲ្យ Sean ចូលលេងក្នុងការប្រកួតបន្ទាប់ទេ។ ពួកយើងត្រូវការអ្នកខ្លាំងៗដើម្បីឈ្នះ"។ នេះជាសម្ដីប្រធានក្រុមប្រាប់ទៅគ្រូបង្វឹក។

ទោះមើលឃើញថា Sean ជាសមាជិកខ្សោយនៅក្នុងក្រុម ប៉ុន្តែហេតុផលមួយចំនួនបានធ្វើឲ្យគ្រូបង្វឹកណែនាំប្រាប់ប្រធានក្រុមឲ្យបានយល់ពីតម្លៃនៃការព្យាយាម សេចក្ដីសង្ឃឹម និងការចេះឲ្យតម្លៃគ្នានៅក្នុងក្រុម។

ប្រធានក្រុមរបស់ Sean ធ្លាប់ផ្ដើមចេញពីកីឡាករអន់ម្នាក់នៅក្នុងក្រុម ប៉ុន្តែដោយការព្យាយាមនិងការផ្ដល់ឱកាសលើកទឹកចិត្តពីគ្រូបង្វឹកបានធ្វើឲ្យរូបគេក្លាយជាកីឡាករឆ្នើម និងជាប្រធាននៅក្នុងក្រុម។

ក្រោយយល់ហេតុផលទាំងនោះហើយ ប្រធានក្រុមក៏ដូចជាសមាជិកក្នុងក្រុមបានជួយលើកទឹកចិត្ត និងណែនាំ Sean សាមគ្គីគ្នាជាកម្លាំងក្នុងក្រុមរហូតពួកគេប្រកួតទទួលបានជ័យជម្នះ៕