ចូលមើលក្នុងផ្ទះជួលរបស់លោកអូបាម៉ាត្រៀមរស់នៅ ក្រោយបញ្ចប់អាណត្តិ
- 2016-05-26 15:51:36
- ចំនួនមតិ 0 | ចំនួនចែករំលែក 0
ចូលមើលក្នុងផ្ទះជួលរបស់លោកអូបាម៉ាត្រៀមរស់នៅ ក្រោយបញ្ចប់អាណត្តិ
ចន្លោះមិនឃើញ
តាមការចុះផ្សាយរបស់ Daily Mail លោកអូបាម៉ាជាមួយភរិយាបានជួលផ្ទះមួយនៅសង្កាត់នៃទីក្រុងវ៉ាស៊ីងតោន ដែលត្រៀមនឹងរស់នៅក្រោយលោកបញ្ចប់អាណត្តិពីតំណែងប្រធានាធិបតីសហរដ្ឋអាមេរិក។
ផ្ទះតម្លៃ៤,៣លានដុល្លារ ទំហំ៧៦១ម៉ែត្រការ៉េគឺលោកអូបាម៉ា ជួលពីម្ចាស់កម្មសិទ្ធិគឺលោក Joe Lockhart ដែលជាអតីតសហការីព័ត៌មានរបស់លោក Bill Clinton ។ ផ្ទះសង់ក្នុងសម័យឆ្នាំ១៩២៨នោះគឺមាន បន្ទប់គេង៩ បន្ទប់ទឹក៨ បន្ទប់ហាត់ប្រាណតូច១ និងមានទីតាំងក្បែរសួនច្បារផងដែរ។
តាមការឲ្យដឹងពីសារព័ត៌មាន BBC ការសម្រេចចិត្តរបស់លោក អូបាម៉ា ជ្រើសការរស់នៅក្នុងសង្កាត់ Kalorama ជាយក្រុងវ៉ាស៊ីងតោន គឺដើម្បីឲ្យកូនស្រីវ័យ១៤ឆ្នាំរបស់លោក ឈ្មោះ Sasha អាចនៅបញ្ចប់ការសិក្សាពីរឆ្នាំរបស់នាងនៅសាលាឯកជនល្បី Sidwell Friends ក្នុងទីក្រុងវ៉ាស៊ីងតោន។
តាមប្រភពសារព័ត៌មាន BBC លោកបារ៉ាក់ អូបាម៉ានឹងបញ្ចប់អាណត្តិតំណែងប្រធានាធិបតីរបស់លោកនាឆ្នាំ២០១៧ខាងមុខ៕
ចុចអាន៖ កូនស្រីទាំង២របស់លោក Obama ចង់ជួប Messi តែមិនបានសម្រេច
ប្រែសម្រួល៖ មាន រតនា ប្រភព៖ dailymail, bbc