FA Cup វគ្គ៨ក្រុម ឈប់លេង២ជើង ចាប់ពីរដូវកាលក្រោយទៅ
- 2016-05-27 17:31:16
- ចំនួនមតិ 0 | ចំនួនចែករំលែក 0
FA Cup វគ្គ៨ក្រុម ឈប់លេង២ជើង ចាប់ពីរដូវកាលក្រោយទៅ
ចន្លោះមិនឃើញ
ពានរង្វាន់ FA Cup វគ្គ៨ក្រុមចុងក្រោយ នឹងគ្មានការប្រកួត២ជើងដូរទឹកដីទៀតទេ ចាប់ពីរដូវកាលក្រោយទៅ បន្ទាប់ពីសហព័ន្ធបាល់ទាត់អង់គ្លេស (FA) បានសម្រេច កាលពីថ្ងៃព្រហស្បតិ៍ម្សិលមិញ។
ច្បាប់ចាស់វគ្គ៨ក្រុម ឬវគ្គក្រោមៗនេះ តម្រូវឲ្យក្រុមដែលបញ្ចប់លទ្ធផលស្មើគ្នានៅជើងទី១ ធ្វើការប្រកួតជើងទី២ ដូរទឹកដីគ្នា ដើម្បីសម្រេចចាញ់ឈ្នះ។ ប៉ុន្តែសម្រាប់ច្បាប់ថ្មីនេះវិញ មានន័យថា វគ្គ៨ក្រុម នឹងប្រកួតតែ១លើកប៉ុណ្ណោះ ហើយបើក្រុមទាំង២ស្មើគ្នា នោះនឹងបន្ថែមម៉ោង១៥នាទី២ដង ឬឈានដល់វគ្គទាត់ប៉េណាល់ទីកាត់សេចក្ដីតែម្ដង។
Man Utd & West Ham លេង FA Cup វគ្គ៨ក្រុម ២ជើងរដូវកាលនេះ
ដូច្នេះសរុបមកមានន័យថា ពានរង្វាន់ FA Cup ចាប់ផ្ដើមពីវគ្គក្រោមៗមក នឹងធ្វើដូចរាល់ដង ប៉ុន្តែចាប់ពីវគ្គ៨ក្រុម ឡើងដល់វគ្គផ្ដាច់ព្រ័ត្រ គឺប្រកួតតែ១លើកៗប៉ុណ្ណោះ។
ចំពោះការផ្លាស់ប្ដូរច្បាប់ថ្មីនេះ លោក Martin Glenn ប្រធាន FA បានបញ្ជាក់ឲ្យដឹងថា គោលបំណងធំ គឺដើម្បីជួយដល់ក្រុមអង់គ្លេសទាំងអស់ ដែលមានកាលវិភាគប្រកួតមមាញឹកខ្លាំង ឲ្យមានភាពងាយស្រួលជាងមុន៕
ប្រែសម្រួល៖ វិន ជីវ័ន្ត ប្រភព៖ theguardian