Rashford នឹងលេងឲ្យជម្រើសជាតិអង់គ្លេស ប្រកួតដំបូងយប់នេះ
- 2016-05-27 21:59:19
- ចំនួនមតិ 0 | ចំនួនចែករំលែក 0
Rashford នឹងលេងឲ្យជម្រើសជាតិអង់គ្លេស ប្រកួតដំបូងយប់នេះ
ចន្លោះមិនឃើញ
គ្រូបង្វឹកជម្រើសជាតិអង់គ្លេស Roy Hodgson បានលើកឡើងថា ខ្សែប្រយុទ្ធវ័យក្មេង Marcus Rashford នឹងបង្ហាញខ្លួនលើកដំបូងឲ្យក្រុមជម្រើសជាតិយប់នេះ ពេលប៉ះក្រុមអូស្ត្រាលី ក្នុងប្រកួតមិត្តភាព ហើយនឹងជាប់ជម្រើសដំបូងថែមទៀត បើ Daniel Sturridge មិនទាន់ Fit ១០០% ទេ។
គ្រូបង្វឹកជម្រើសជាតិអង់គ្លេស Roy Hodgson
ខ្សែប្រយុទ្ធវ័យក្មេង Marcus Rashford
Rashford វ័យ១៨ឆ្នាំ បានចូលលេងឈុតធំក្រុម Manchester United រដូវកាលនេះ និងបានបង្ហាញទម្រង់លេងដ៏ល្អ ទើបគ្រូបង្វឹកអង់គ្លេស Hodgson ចាប់អារម្មណ៍ខ្លាំង ហើយក៏កោះហៅឲ្យចូលក្នុងបញ្ជីជម្រើសជាតិទាំង២៦នាក់ ត្រៀមលេងមិត្តភាព និងលេងនៅ Euro 2016។
អង់គ្លេស នឹងប៉ះអូស្ត្រាលី ក្នុងការប្រកួតមិត្តភាព នៅកីឡដ្ឋាន Stadium of Light របស់ក្លឹប Sunderland វេលាម៉ោង០១:៤៥នាទីយប់នេះ។
លោក Hodgson បានបញ្ជាក់ថា លោកនឹងឲ្យខ្សែប្រយុទ្ធ Harry Kane, Wayne Rooney សម្រាក ដើម្បីទុកឱកាសឲ្យ Sturridge និង Rashford បញ្ចេញសមត្ថភាពវិញម្ដង ខណៈដែល Jamie Vardy អវត្តមាន ដោយសារទើបរៀបការចប់។ ប៉ុន្តែ Sturridge របស់ក្រុម Liverpool បានខកខានហ្វឹកហាត់ ដោយសារមានបញ្ហារបួសកំភួនជើង ដូច្នេះយប់នេះអាចជាឱកាសល្អបំផុត សម្រាប់ Rashford។
ខ្សែប្រយុទ្ធ Daniel Sturridge (ឆ្វេង)
ជម្រើសដំបូងរបស់អង់គ្លេស និងអូស្ត្រាលី ដែលអាចនឹងដាក់យប់នេះ
“ខ្ញុំចង់ឲ្យ Sturridge ចូលលេង ប៉ុន្តែបើគាត់មិនទាន់ Fit ទេ ខ្ញុំគិតថានឹងឲ្យ Rashford ចូលជម្រើសដំបូងតែម្ដង។ ខ្ញុំជឿថា គាត់ (Rashford) អាចរ៉ាប់រងតំណែងនេះបាន”។ គ្រូបង្វឹកវ័យ៦៨ឆ្នាំ បញ្ជាក់បន្ថែម៕
ប្រែសម្រួល៖ វិន ជីវ័ន្ត ប្រភព៖ skysports