ស្រោមមុខលោក Trump និងលោកស្រី Clinton កំពុងត្រូវប៉ាន់លើទីផ្សារ

2016-05-29 21:19:50
ចំនួនមតិ 0 | ចំនួនចែករំលែក 0

ចន្លោះមិនឃើញ

រោងចក្រមួយក្នុងទីក្រុង Jinhua របស់ចិនដែលល្បីខាងផលិតស្រោមមុខជ័រសិប្បនិមិត្តរបស់តារា និងបុគ្គល ល្បីឈ្មោះ ពេលនេះបានចាប់ផ្ដើមផលិតស្រោមមុខបេក្ខភាពប្រធានាធិបតីអាមេរិក២រូបគឺលោក Donald Trump និងលោកស្រី Hillary Clinton។

ការផលិតស្រោមមុខរបស់រោងចក្រខាងលើបន្ទាប់ពីលោក Trump និងលោកស្រី Clinton កំពុងមាន ប្រជាប្រិយភាពពីសំណាក់ពលរដ្ឋអាមេរិកកាំងសម្រាប់ការបោះឆ្នោតប្រធានាធិបតីលើកនេះ។ បើតាមសំដី ប្រធានគ្រប់គ្រងទូទៅឈ្មោះ Chen បានឲ្យដឹងថាគ្រាន់តែ៦ខែ ដើមឆ្នាំ២០១៦រោងចក្ររបស់លោកមានអតិថិជនកុម្ម៉ង់ទិញស្រោមមុខច្រើនជាង៥សែន។

មូលហេតុនៃតម្រូវការដ៏ច្រើនសន្ធឹកនេះដោយសារតែ ចំនួនអ្នកគាំទ្របេក្ខភាពប្រធានាធិបតីទាំងពីរមានចំនួន ច្រើន តែមិនប្រាកដថាអ្នកដែលទិញស្រោមមុខ Trump ឬclinton សុទ្ធតែជាអ្នកគាំទ្រទាំងអស់ទេ ពួកគេក៏អាចជាអ្នកប្រឆាំង ឬស្អប់ក៏ថាបាន៕