គូសំខាន់៖ អាល្លឺម៉ង់ចាញ់ ស្លូវ៉ាគី ខណៈអេស្ប៉ាញឈ្នះ បូស្នី

2016-05-30 13:46:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមជើងឯកពិភពលោក ជម្រើសជាតិអាល្លឺម៉ង់បានបរាជ័យក្រោមថ្វីជើងជម្រើសជាតិស្លូវ៉ាគីយ៉ាងចាស់ដៃ ៣ទល់នឹង១ ក្នុងជំនួបមិត្តភាពកម្ដៅសាច់ដុំត្រៀមអឺរ៉ូនៅបារាំង។

ចាប់ផ្ដើមការប្រកួតបាន១៣នាទីប៉ុណ្ណោះក្រុមរបស់លោក Joachim Low បានកាដូបាល់ពិន័យ១១ម៉ែត្រមួយ គ្រាប់បំប៉ោងសំណាញ់ទីដោយខ្សែប្រយុទ្ធ Mario Gomez ប៉ុន្តែស្លូវ៉ាគីដែលនឹងស្ថិតនៅពូល ជាមួយអង់គ្លេស និងវេល បានដាក់៣គ្រាប់វិញជាបន្តបន្ទាប់ដោយកីឡាករMarek Hamsikនៅនាទី៤១, Michal Duris នាទី៤៤ និង Juraj Kucka នៅនាទី៥២។

អាល្លឺម៉ង់ដែលនៅពូលជាមួយអៀរឡង់ខាងជើង នឹងប្រកាសបញ្ជីឈ្មោះកីឡាករ២៣នាក់ចុងក្រោយនៅយប់ថ្ងៃអង្គារស្អែកនេះ។ លទ្ធផលមួយគូទៀត ក្រុមការពារតំណែងជើងឯក អេស្ប៉ាញបានបន្តភាពខ្លាំងរបស់ខ្លួន ដោយយកឈ្នះ បូស្នី ៣-១ ធ្វើបាន២គ្រាប់ដោយខ្សែប្រយុទ្ធNolito មកពី Celta de Vigo និងកីឡាករPedro ហើយ១គ្រាប់របស់បូស្នីស៊ុតបញ្ចូលទីដោយ ខ្សែការពារEmir Spahic មកពី Hamburger៕