អាល់ប៊ុម Jessica នៅតែជោគជ័យខ្ពស់ ទោះមិនបានផ្សព្វផ្សាយលើទូរទស្សន៍
- 2016-05-30 15:58:57
- ចំនួនមតិ 0 | ចំនួនចែករំលែក 0
អាល់ប៊ុម Jessica នៅតែជោគជ័យខ្ពស់ ទោះមិនបានផ្សព្វផ្សាយលើទូរទស្សន៍
ចន្លោះមិនឃើញ
អាល់ប៊ុមទោលទី១របស់តារាចម្រៀង Jessica ហាក់កំពុងទទួលបានការគាំទ្រយ៉ាងច្រើនពីសំណាក់អ្នកគាំទ្របើទោះជានាងមិនបានលេចមុខលើទូរទស្សន៍ដើម្បីផ្សព្វផ្សាយក៏ដោយ។
កាលពីថ្ងៃទី ១៧ ខែឧសភា តារាចម្រៀងនិងអ្នកច្នៃម៉ូដ Jessica បានបញ្ចេញអាល់ប៊ុមចម្រៀងទោលរបស់ខ្លួនដែលមានចំណងជើងថា "With Love, J”។ មកដល់ពេលនេះ អាល់ប៊ុមនេះបានឡើងមកដល់លំដាប់លេខ១លើតារាចម្រៀង Hanteo និង Gaon ហើយ។ បទ "Fly” ដែលជាបទចម្បងនៅក្នុងអាល់ប៊ុមខាងលើក៏បានឡើងចំណាត់ថ្នាក់កំពូលនៅលើតារាចម្រៀងទាំង៨ផ្សេងទៀតដែរ។
មិនត្រឹមតែប៉ុណ្ណោះ Jessica ក៏ក្លាយជាតារាចម្រៀងនារីទោលដែលលក់អាល់ប៊ុមចេញបានច្រើនជាងគេផងដែរនៅក្នុងឆ្នាំនេះ ដោយអាល់ប៊ុមរបស់នាងលក់ចេញបានចំនួន ៧ម៉ឺនបន្ទះ។ អ្វីដែលគួរឲ្យភ្ញាក់ផ្អើលនោះគឺបទ "Fly” របស់តារាចម្រៀងអាយុ ២៧ឆ្នាំក៏បានជាប់ជាបេក្ខភាពដណ្ដើមជយលាភីលេខ១នៅលើកម្មវិធីចម្រៀងប្រចាំសប្ដាហ៍មួយចំនួនដូចជា "Show Champion” និង "Inkigayo” ទៀតផងបើទោះជានាងមិនបានសម្ដែងលើកម្មវិធីទាំងនេះក៏ដោយ ៕
ចុចអាន៖ក្រុមចម្រៀងKPOP ខ្លាំងៗ៥ក្រុម ដែលបាត់បង់សមាជិកក្នុងដើមឆ្នាំ២០១៦
ប្រែសម្រួល៖ សុវណ្ណផៃ ប្រភព៖ soompi