តិចនិកជួយឲ្យកូនតូចៗចងចាំលេខទូរសព្ទ ឬអាសយដ្ឋានរបស់អ្នក
- 2016-05-30 18:52:55
- ចំនួនមតិ 0 | ចំនួនចែករំលែក 0
តិចនិកជួយឲ្យកូនតូចៗចងចាំលេខទូរសព្ទ ឬអាសយដ្ឋានរបស់អ្នក
ចន្លោះមិនឃើញ
ពេលទៅណាមកណា ឪពុកម្ដាយជាច្រើនប្រហែលជាធ្លាប់កត់លេខទូរសព្ទ ឬអាសយដ្ឋានផ្ទាល់ខ្លួនដាក់ក្នុងហោប៉ៅកូនតូចៗរបស់ខ្លួនដើម្បីបង្ការករណី ក្មេងៗវង្វេងផ្លូវ។
យ៉ាងណាមិញការអនុញ្ញាតឲ្យកូនតូចៗរបស់អ្នកចំណាំលេខទូរសព្ទ ឬអាសយដ្ឋានទីលំនៅគឺអាចជាជំនួយដល់ក្មេងតូចបន្ថែម និងអាចឲ្យពួកគេត្រលប់មកផ្ទះវិញដោយសុវត្ថិភាពផងដែរ។ តាមរយៈវិបសាយចំណេះដឹងទូទៅ Life Hacker បានបង្ហាញវិធីសាស្ត្រដែលអាចជាប្រយោជន៍មួយដូចខាងក្រោម៖
*** ចំណុចគួរសម្គាល់៖ ក្មេងៗអាចចងចាំអ្វីមួយច្បាស់ដោយការរៀនតាមរយៈសកម្មភាពលេង ដូចនេះការបង្កើតល្បែងមួយចំនួន អាចបង្កជាបរិយាកាសរីករាយនិងជួយឲ្យពួកគេមានទំនុកចិត្តចងចាំបានល្អផងដែរ។
ជំហានទី១៖
អ្នកអាច Print ក្រដាសមានរូបបាតដៃ ឬគូរដូចរូបខាងលើឲ្យប៉ិនទំហំដៃកូនអ្នក ចំនួន៣ឬ៤សន្លឹក។
ជំហានទី២៖
ជួយឲ្យកូនអ្នកសរសេរ (បើពួកគេអាចសរសេរបាន) លេខទូរសព្ទ ឬអាសយដ្ឋានផ្ទះផ្លូវលើក្រដាសរូបបាតដៃ។ បើសិនជាអាច អ្នកគួរឲ្យកូនអ្នកសរសេរដោយខ្លួនឯង។ ខួរក្បាលរបស់ពួកគេឆាប់ចាប់បាននៅពេលគេសរសេរដោយខ្លួនឯង។
ជំហានទី៣៖
បិទក្រដាសទាំងនោះលើជញ្ជាំង ឬទ្វារចេញចូល ដែលក្មេងៗអាចដាក់ដៃដល់បាន។
ជំហានទី៤៖
អនុវត្តការលេងជាប្រចាំដោយសុំឲ្យកូនៗរបស់អ្នក យកដៃទះ (High Five) ឬដាក់អឹបដៃចូលក្នុងរូបបាតដៃដូចខាងលើនិងអានឲ្យឮៗរាល់ពេលពួកដើរកាត់ឬចេញចូល។ ដំបូងពួកគេអាចភ្លេចបន្តិចបន្តួច តែរាល់ពេលពួកគេដើរចេញចូល វានឹងក្លាយជាការកម្សាន្តមួយនិងជាទម្លាប់ផងដែរ ធ្វើឲ្យពួកគេឆាប់ចងចាំ៕
ចុចអាន៖ ល្បិចប្រើនំប៉័ងជារបស់មានប្រយោជន៍ច្រើនយ៉ាងក្នុងផ្ទះ
ប្រែសម្រួល៖ មាន រតនា ប្រភព៖ lifehacker