ព្រលានយន្តហោះមមាញឹកបំផុតក្នុងលោក ទទួលភ្ញៀវលើសព្រលានភ្នំពេញ៤០ដង

2014-09-18 19:29:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ការធ្វើដំណើរតាមផ្លូវអាកាស គឺជាមធ្យោបាយដ៏ពេញនិយមបំផុតនាពេលបច្ចុប្បន្ន ដោយសារចំណាយពេលតិច និងមានភាពងាយស្រួល។ បើងាកមកមើលព្រលានយន្តហោះអន្តរជាតិភ្នំពេញវិញ ក្នុងឆ្នាំ២០១៣ ទទួលបានអ្នកដំណើរ ២,៣៩លាននាក់ មានការកើនឡើង១៥ភាគរយបើធៀបនឹងឆ្នាំ ២០១២។ ទោះមានការកើនឡើងចំនួនអ្នកដំណើរខ្ពស់បែបនេះក្ដី បើធៀបនឹងព្រលានយន្តហោះដែលមមាញឹកបំផុតក្នុងលោក គឺតិចជាងគេដល់ទៅជិត ៤០ដងឯណោះ។

ចុចអាន៖ យន្តហោះធំៗធ្លាក់ក្នុងស្រុកខ្មែរមិនអាចបំភ្លេចបាន!

ទិដ្ឋភាពព្រលានយន្តហោះ Hartsfield-Jackson Atlanta សហរដ្ឋអាមេរិក

សារព័ត៌មានអន្តរជាតិ CNN បានបង្ហាញថា នៅក្នុងឆ្នាំ២០១៣ ព្រលានយន្តហោះអន្តរជាតិ Hartsfield-Jackson Atlanta (សហរដ្ឋអាមេរិក) ទទួលបានអ្នកដំណើរ ៩៤,៤លាននាក់ មានការកើនឡើង ១,១ភាគរយបើធៀបទៅនឹងឆ្នាំ ២០១២ ក្លាយជាព្រលានយន្តហោះទទួលអ្នកដំណើរផ្លូវអាកាសច្រើនជាងគេបំផុតលើលោក។

ចុចអាន៖ កំពូលមេដឹកនាំពិភពលោកណាខ្លះធ្លាប់មកទស្សនាអង្គរវត្ត?

ចំណាត់ថ្នាក់ទីពីរបានទៅលើព្រលានយន្តហោះអន្តរជាតិប៉េកាំង (ប្រទេសចិន) ដែលទទួលបានអ្នកដំណើរ ៨៣,៧លាននាក់ក្នុងឆ្នាំ ២០១៣ មានការកើនឡើង ២,២ភាគរយបើធៀបទៅនឹងឆ្នាំ ២០១២។

ចំណែកចំណាត់ថ្នាក់ទី ៣ បានទៅព្រលានយន្តហោះ London Heathrow (ចក្រភពអង់គ្លេស) ដែលទទួលបានអ្នកដំណើរ ៧២,៤ លាននាក់ក្នុងឆ្នាំ ២០១៣ មានការកើនឡើង ៣,៣ ភាគរយបើធៀបទៅនឹងឆ្នាំ ២០១២។

ចុចអាន៖ ជីវភាពរស់លើវាលកប់ខ្មោចជាយភ្នំពេញមហាកម្រឃើញ

ចុចអាន៖ ១០ យ៉ាងដែលអ្នកគួរដឹងពីមហាសេដ្ឋីទឹកប្រាក់ពាន់លានដុល្លារ

ចំណែកឯព្រលានយន្តហោះអន្តរជាតិពីររបស់កម្ពុជាទទួលបានភ្ញៀវកើនឡើងជាលំដាប់ ពិសេសគឺអ្នកដំណើរបរទេស។ ក្នុងឆ្នាំ២០១៣ ព្រលានយន្តហោះអន្តរជាតិភ្នំពេញ ទទួលបានអ្នកដំណើរ ២,៣៩លាននាក់ មានការកើនឡើង ១៥ភាគរយ។ ចំណែកឯព្រលានយន្តហោះអន្តរជាតិសៀមរាបទទួលបានអ្នកដំណើរ ២,៦៦លាននាក់ក្នុងឆ្នាំ២០១៣ មានការកើនឡើង ២០ភាគរយបើធៀបនឹងឆ្នាំ ២០១២។

ទោះជាចំនួនអ្នកដំណើរនៃព្រលានយន្តហោះអន្តរជាតិកម្ពុជាតិចជាងគេច្រើនដងក្តី តែភាគរយនៃកំណើនរាល់ឆ្នាំមានសន្ទុះលើសគេច្រើនដង បើធៀបនឹងព្រលានអន្តរជាតិធំៗក្នុងលោក៕