រកឃើញស្ត្រីរុស្ស៊ីអាយុ១២០ឆ្នាំ ចាស់ជាងគេបំផុតទីពីរលើផែនដី

2016-06-01 15:25:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ត្រីជនជាតិរុស្ស៊ីអាយុ ១២០ឆ្នាំម្នាក់ ត្រូវបានគេចុះក្នុងកំណត់ពិភពលោកនាពេលថ្មីៗនេះ ជាមនុស្សរស់នៅមានអាយុវែងជាងគេលំដាប់ទីពីរ ក្នុងពិភពលោក។

លោកយាយ Tanzilya Bisembeyeva កើតនៅឆ្នាំ ១៨៩០ រស់នៅក្នុងភូមិតូចមួយនៅតំបន់ Astrakhan ភាគខាងត្បូងប្រទេសរុស្ស៊ី ពេញមួយជីវិតរបស់គាត់។ ប្ដីដំបូងរបស់លោកយាយត្រូវបានគេសម្លាប់ក្នុងអំឡុងសង្គ្រាមលោកលើកទី២ ហើយកូនៗរបស់ពួកគេស្លាប់កាលនៅកុមារភាព ធ្វើឲ្យលោកយាយរស់នៅម្នាក់ឯងក្នុងអាយុ ៤៩ឆ្នាំ ក្រោយសង្គ្រាមបញ្ចប់។

បន្ទាប់មក លោកយាយបានរៀបការជាលើកទីពីរ និងមានកូនប្រុសនៅអាយុ ៥៣ឆ្នាំ ដោយពេលនេះគាត់មានកូនសុទ្ធតែប្រុស ៣នាក់ ចៅ ១០នាក់ និងចៅទួត ២៤នាក់។

ងាកមកមើលសៀវភៅកំណត់ត្រារបស់រុស្ស៊ីវិញ លោកយាយ Tanzilya Bisembeyeva ជាមនុស្សរស់នៅមានអាយុវែងជាងគេបំផុតក្នុងប្រវត្តិសាស្ត្រពិភពលោក បន្ទាប់ពីស្រ្តីជនជាតិបារាំង Jeanne Calment រស់ដល់អាយុ១២២ឆ្នាំ និងទទួលមរណភាពកាលឆ្នាំ ១៩៩៧។

បើតាមសាច់ញាតិរបស់លោកយាយ Bisembeyeva បានបង្ហើបថា គាត់មិនដែលអង្គុយយូរ មិនជក់បារី ពិសាតែអាហារសរីរាង្គប៉ុណ្ណោះ និងចូលចិត្តរីករាយ៕