ដេញថ្ងៃ ខែ ឆ្នាំ មុនរៀបការមិនសូវពេញនិយមដូចអតីតកាល

2016-06-02 15:46:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្ងៃខែឆ្នាំកំណើត គឺជាការសំគាល់អាយុរបស់មនុស្សម្នាក់។ ប៉ុន្តែជាប្រពៃណីឪពុក-ម្តាយតែងតែមើលថ្ងៃ ខែ ឆ្នាំ មុននឹងសម្រេចចិត្តយល់ព្រមអោយកូនរៀបការជាមួយនរណាម្នាក់។ ចុះចំណែកពេលបច្ចុប្បន្នយ៉ាងដូចម្ដេចដែរ? តើប្រជាជនកម្ពុជាគិតបែបណាអំពីបញ្ហានេះ?

លោកតាអាចារ្យ គង់អុល មានវ័យ ៦២ឆ្នាំជាអាចារ្យនៅវត្តមុន្នីបាទុម ស្ថិតនៅក្នុងស្រុកលើកដែកខេត្តកណ្ដាល បាននិយាយថា យវវ័យស្រឡាញ់គ្នាពួកគេមិនសូវខ្វល់ខ្វាយជឿពីការមើលខែឆ្នាំឬដេញវេលាបញ្ជាក់ថា ពួកគេជាគូនឹងគ្នារឺអត់? ដូចកាលពីមុននោះទេ ។

លោកតាគង់អុល និយាយ បន្ថែមទៀតថា ការមើល ឬទស្សន៍ទាយពី ខែ ឆ្នាំ មនុស្សប្រុស និងមនុស្សស្រីជាគូរនឹងគ្នាឬមិនមែនជាគូនឹងគ្នា គឺផ្អែកទៅតាមការដេញខែ ឆ្នាំ និងតាដមក្បួនតម្រាតៗគ្នាមកតែប៉ុណ្ណោះ។ លោកតាបន្តថា កាលពីមុនមានក្រុមគ្រួសារខ្លះមុនរៀបមង្គលការឲ្យកូនប្រុសស្រីម្ដាយឪពុកទាំងសងខាងតែងតែមកមើលខែឆ្នាំ និងមើលរាសីកូនប្រុសស្រីទាំងពីរ។ ប៉ុន្តែមកដល់ពេលឥឡូវគេឃើញមានតែការដេញយកពេលវេលាថ្ងៃដែលល្អរៀបការបានតែប៉ុណ្ណោះ។ គេពុំសូវមានជំនឿប៉ុន្មានទៀតទេចំពោះការមើលខែឆ្នាំដេញជោគរាសីជាគូរឬមិនគូរនឹងគ្នា។

ទន្ទឹមនឹងការលើកឡើងរបស់លោកតាអាចារ្យ ខាងលើនេះដែរលោក គង់សាម៉េត ជាអាជីវកលក់គ្រឿងសំណង់នៅផ្សារអ្នកលឿងមានវ័យ៤៨ឆ្នាំនិយាយថាគាត់ និងប្រពន្ធគាត់ធ្លាប់រៀបចំមង្គលការកូនស្រីរួចមកហើយដោយពុំបានគិតគូរដេញវេលាខែឆ្នាំអ្វីនោះទេ។ គាត់គ្រាន់តែជ្រើសរើសយកថ្ងៃល្អសម្រាប់រៀបចំមង្គលការឲ្យកូនៗតែប៉ុណ្ណោះ។

លោកគង់សាម៉េតបន្ថែមថា រូបគាត់ផ្ទាល់នៅពេលរៀបការជាមួយនិងភរិយារបស់គាត់ក៏មិនបានមើលពេលវេលាខែឆ្នាំអ្វីនោះដែរ។មកដល់សព្វថ្ងៃនេះគាត់និងភរិយាគាត់ស្រឡាញ់ គ្នាណាស់ដោយមិនដែលមានការឈ្លោះប្រកែកឬបែកបាក់គ្នាឬមានគ្រោះអ្វីនោះឡើយ។ លោកបន្តថាជំនឿអរូបិយលោកក៏មិនប្រឆាំងឬជំទាស់អ្វីឡើយប៉ុន្តែសូមកុំជឿងប់ងុលពេក។ មានអ្នកខ្លះដោយសារជឿនិងការមើលខែឆ្នាំពេកធ្វើឲ្យកូនៗដែលកំពុងស្រឡាញ់គ្នាមិនបានជួបគ្នាទៅវិញព្រោះម្ដាយឪពុកមួយចំនួនតូចមានជំនឿថាខែឆ្នាំមិនត្រូវគ្នាពេលខ្លះមិនឲ្យកូនរៀបការជាមួយគ្នាទេ។ ម្តាយឪពុកមិនគួរគិតបែបនេះឡើយ។ លោកផ្ទាល់ដាច់ខាតមិនឯកភាពជាមួយជំនឿនោះទាំងស្រុងទេ៕

អត្ថបទ៖ CCJ

ពាក្យទាក់ទង

CCJ

អត្ថបទពេញនិយម

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

Dispatch ហែកកកាយទង្វើ Min Hee Jin ព្យាយាមក្ដោប NewJeans និងលាភសក្ការៈពី HYBE

ឥទ្ធិពលបទចម្រៀងថ្មីរបស់ Taylor ធ្វើឱ្យគូជម្លោះ Kim Kardashian ធ្លាក់ Follower រាប់សែននាក់

អត្ថបទថ្មី

ទស្សនាការសម្ដែងក្បាច់គុនសៅលីញដ៏កម្រលើទឹកដីសៀមរាប

Neymar នៅតែរក្សាកំណត់ត្រាខ្សែប្រយុទ្ធមានតម្លៃខ្លួនខ្ពស់បំផុត ក្នុងប្រវត្តិសាស្ត្រដោះដូរកីឡាករ

Arteta សរសើរ Kai Havertz មិនដាច់ពីមាត់ក្រោយ Arsenal ឈ្នះ Chelsea ៥-០

ជៀសវាងជួបបញ្ហាដដែរៗ សុរ៉ាវឌ្ឍី បង្ហាញមុខបុគ្គល៥នាក់ ដែលអាចមានសិទ្ធផាត់មុខឱ្យខ្លួន

អស់ការអត់ធ្មត់! ណូយ វ៉ាន់ណេត ឲ្យមេធាវីសហការជាមួយមន្ដ្រីក្រសួងមហាផ្ទៃ ចាត់ការអ្នកប្រមាថជីវិតលោក

Panasonic ប្រកាសនូវកិច្ចសហការថ្មីជាមួយក្លិបបាល់ទាត់ Angkor Tiger Siem Reap សម្រាប់រដូវកាលបាល់ទាត់កម្ពុជា 2024/26 ខាងមុខនេះ