រលំបាក់សំណង់ផ្លូវរថភ្លើងក្រោមដី ស្លាប់និងរបួស១៤នាក់ ជិតក្រុងសេអ៊ូល
- 2016-06-01 18:15:01
- ចំនួនមតិ 0 | ចំនួនចែករំលែក 0
រលំបាក់សំណង់ផ្លូវរថភ្លើងក្រោមដី ស្លាប់និងរបួស១៤នាក់ ជិតក្រុងសេអ៊ូល
ចន្លោះមិនឃើញ
កម្មករចំនួន ៤នាក់ត្រូវបានសម្លាប់ និង១០នាក់ បានរងរបួសធ្ងន់ស្រាលនៅព្រឹកថ្ងៃពុធនេះ នៅពេលការដ្ឋានផ្លូវរថភ្លើងក្រោមដីជិតទីក្រុងសេអ៊ូល បានរលំបាក់ភ្លាមៗ ដោយមិនទាន់ដឹងហេតុផលច្បាស់លាស់។
ជនរងគ្រោះបានជាប់ក្នុងគំនរបែកបាក់នៃការដ្ឋានជម្រៅ ១៥ម៉ែត្រក្រោមដី ក្រោយមកត្រូវបានគេបញ្ជូនទៅកាន់មន្ទីរពេទ្យក្បែរៗ ដើម្បីព្យាបាលហើយ។ ឧបទ្ទវហេតុខាងលើ បានកើតឡើងនៅទីក្រុងណាមីយ៉ាងជូ ខាងកើតក្រុងសេអ៊ូល ប្រទេសកូរ៉េខាងត្បូង នាវេលាម៉ោង ៧៖២០នាទីព្រឹកនេះ ខណៈមានកម្មករសរុបទាំងអស់ ១៧នាក់កំពុងផ្សារដែក។
បើតាមសាក្សីម្នាក់និយាយថា រូបគេបានឃើញ និងឮសំឡេងផ្ទុះធំមួយកើតឡើងក្នុងការដ្ឋាន ទំនងជាធុងអុកស៊ីហ្សែន ប៉ុន្តែប៉ូលិសបដិសេធ ដោយសារពួកគេមិនបានប្រើប្រាស់ធុងនេះ ពេលកើតហេតុឡើយ។
ចំនួនអ្នកស្លាប់អាចកើនឡើងទៀត ដោយសារអ្នករបួសមានសភាពធ្ងន់ធ្ងរ។ ចំណែកប៉ូលិស និងក្រុមអ្នកពន្លត់អគ្គីភ័យ កំពុងស៊ើបអង្កេតរកមូលហេតុពិតប្រាកដនៃគ្រោះខាងលើហើយ។ សូមបញ្ជាក់ថា ខ្សែរថភ្លើងកំពុងសាង់សង់នេះ គ្រោងនឹងបើកដំណើរការនៅឆ្នាំ ២០២០ខាងមុខហើយ៕
ចុចអាន៖ កូរ៉េខាងត្បូងបើកសាលាបង្រៀនស្លាប់ ក្រោយមានអ្នកសម្លាប់ខ្លួន៤០នាក់រៀងរាល់ថ្ងៃ
ចុចអាន៖ គូស្នេហ៍ប្រហែល ៣ពាន់គូ រៀបការរួមគ្នានៅកូរ៉េខាងត្បូង
ប្រែសម្រួល៖ ឡេង ភារុណ ប្រភព៖ Yonhap News