ភ្នាក់ងារ Sabay នៅបារាំង៖ ទឹកជំនន់ជន់លិចភាគខាងជើង ប្រទេសបារាំង
- 2016-06-01 23:56:53
- ចំនួនមតិ 0 | ចំនួនចែករំលែក 0
ភ្នាក់ងារ Sabay នៅបារាំង៖ ទឹកជំនន់ជន់លិចភាគខាងជើង ប្រទេសបារាំង
ចន្លោះមិនឃើញ
ភ្នាក់ងារ Sabay ប្រចាំប្រទេសបារាំងបានរាយការណ៍ឲ្យដឹងថា ភ្លៀងធ្លាក់យ៉ាងខ្លាំងនៅទីក្រុងប៉ារីស ក្នុងកំឡុងពេលជាង ២សប្តាហ៍ដោយឥតឈប់ឈរ បណ្ដាលមានការលិចលង់ជាច្រើនកន្លែងនៅភាគខាងជើង នៃប្រទេសបារាំង។
សេវាសង្គ្រោះបន្ទាន់ក្នុងប្រទេសត្រូវបានហៅចូល ពីសំណាក់ប្រជាពលរដ្ឋ ប្រមាណជា ៤ ៥០០ដង កាលពីល្ងាចថ្ងៃច័ន្ទ រហូតដល់ព្រឹកថ្ងៃអង្គារ៍ ក្នុងកំឡុងពេល ដែលប្រជាជនរាប់រាយនាក់ត្រូវបានជម្លៀស។
អាកាសធាតុដ៏អាក្រក់នេះ ត្រូវបានបង្កឡើងនៅតំបន់មួយចំនួននៅអឺរ៉ុប ជាច្រើនថ្ងៃមកហើយ។
គួរបញ្ជាក់ដែរថា កាលពីឆ្នាំ១៩១០ ប្រទេសបារាំងបានជួបនឹងព្រឹត្តិការណ៍ទឹកជំនន់ដ៏អាក្រក់នេះម្ដងរួចមកហើយ ដែលមានកម្ពស់ទឹកខ្ពស់បំផុត ៨.៦២ម៉ែត្រ និងតំបន់មួយចំនួនមានកម្ពស់ជាមធ្យមប្រមាណ ៦ម៉ែត្រ។
រាយការណ៍៖ កើត ចន្ទ្រា ភ្នាក់ងារ Sabay នៅបារាំង រូបថត៖ BFM