ចូលមើលផ្លូវរថភ្លើងចោះភ្នំវែងជាងគេបំផុតរបស់ស្វីស ទើបសម្ពោធម្សិលមិញ
- 2016-06-02 19:48:46
- ចំនួនមតិ 0 | ចំនួនចែករំលែក 0
ចូលមើលផ្លូវរថភ្លើងចោះភ្នំវែងជាងគេបំផុតរបស់ស្វីស ទើបសម្ពោធម្សិលមិញ
ចន្លោះមិនឃើញ
ផ្លូវរូងរថភ្លើងវែងជាងគេបំផុតចម្ងាយ ៥៧គីឡូម៉ែត្រកាត់តាមជួរភ្នំ Alps ក្នុងប្រទេសស្វីស បានសម្ពោធយ៉ាងគគ្រឹកគគ្រេងតាមកាលកំណត់កាលពីថ្ងៃទី ១មិថុនាម្សិលមិញ។
រថភ្លើងដឹកទំនិញចំនួន ២៦០ខ្សែ រួមជាមួយរថភ្លើងដឹកអ្នកដំណើរ ៦៥ខ្សែ នឹងត្រូវធ្វើដំណើរតាមរូងចេញចូលទាំងពីររៀងរាល់ថ្ងៃ ក្រោយបញ្ចប់ការតេស្ដសាកល្បងនៅចុងឆ្នាំនេះ។ ក្រុមវិស្វករនិយាយថា ពួកគេបានជីកខួង និងបំផ្ទុះកាត់តាមថ្មភ្នំរឹងដូចថ្មក្រានីតចំនួន ៧៣ប្រភេទ និងថ្មទន់ដូចស្ករច្រើនប្រភេទ ដោយកម្មករចំនួន ៩នាក់បានស្លាប់បាត់បង់ជីវិតអំឡុងពេលដំណើរការសាងសង់។
ថ្មភ្នំប្រមាណ ២៨,២លានតោនត្រូវបានគេកកាយយកចេញ និងទឹកប្រាក់ចំណាយលើការសាងសង់ចំនួន ១២ពាន់លានដុល្លារអាមេរិក ដែលអាចកាត់បន្ថយពេលធ្វើដំណើររាប់ម៉ោង មកត្រឹមជាង ១ម៉ោងទៅដល់អឺរ៉ុប ជាមួយល្បឿនរថភ្លើងអ្នកដំណើរ ២៥០គីឡូម៉ែត្រក្នុងមួយម៉ោង៕
អត្ថបទមុន៖ ផ្លូវរូងរថភ្លើងទម្លុះភ្នំវែងជាងគេបំផុតត្រៀមដាក់ឲ្យប្រើ ក្រោយសាងសង់១៧ឆ្នាំ
ប្រែសម្រួល៖ ឡេង ភារុណ ប្រភព៖ Daily Mail