Ronaldo បរិច្ចាគប្រាក់ឈ្នះ UCL ទាំងអស់ ឲ្យអង្គការមនុស្សធម៌
- 2016-06-03 15:22:34
- ចំនួនមតិ 0 | ចំនួនចែករំលែក 0
Ronaldo បរិច្ចាគប្រាក់ឈ្នះ UCL ទាំងអស់ ឲ្យអង្គការមនុស្សធម៌
ចន្លោះមិនឃើញ
Cristiano Ronaldo តារាឆ្នើមក្រុម Real Madrid បានបង្ហាញកាយវិការដ៏ល្អ ធ្វើឲ្យអ្នកគាំទ្រវិស័យបាល់ទាត់ស្ញប់ស្ញែងទៀតហើយ បន្ទាប់ពីរូបគេបរិច្ចាគប្រាក់រង្វាន់បន្ថែម ដែលបានមកពីការឈ្នះពាន UEFA Champions League ទាំងអស់ ជូនដល់អង្គការមនុស្សធម៌មួយ។
Ronaldo អបអរឈ្នះពាន UEFA Champions League
អំឡុងពេលអបអរពាន UEFA Champions League លើកទី១១ ជាមួយក្រុមស្ដេចស ក្រោយឈ្នះក្រុម Atletico Madrid កីឡាករជម្រើសជាតិព័រទុយហ្គាល់ CR7 បានចំណាយពេលជាមួយអ្នកគាំទ្រជនពិការ និងបានថតរូបជាមួយពួកគេផងដែរ នៅកីឡដ្ឋាន San Siro ធ្វើឲ្យអ្នកគាំទ្រស្ញប់ស្ញែងពីកាយវិការដ៏ល្អរបស់គេ រួចម្ដងមកហើយ ។
យ៉ាងណាមិញ ប្រភពថ្មីមួយទៀត មកពីអ្នកសារព័ត៌មានអេស្ប៉ាញ Pipi Estrada របស់ Independent បានឲ្យដឹងថា ខ្សែបម្រើប្រយុទ្ធដែលជា Top Scorer នៅ UEFA Champions League រូបនេះ បានបរិច្ចាគប្រាក់រង្វាន់បន្ថែមរបស់គេទាំងអស់ចំនួន ៦០០០០០អឺរ៉ូ (៦៦៨៧៩០ដុល្លារ) ជូនដល់អង្គការមនុស្សធម៌ក្រៅរដ្ឋាភិបាល (NGO)៕
ប្រែសម្រួល៖ វិន ជីវ័ន្ត ប្រភព៖ bleacherreports