ចេះថែទាំឡាន រដូវភ្លៀងធ្លាក់លិចផ្លូវ ប្រយ័ត្នអស់លុយទៅរកជាង
- 2016-06-04 13:00:09
- ចំនួនមតិ 0 | ចំនួនចែករំលែក 0
ចេះថែទាំឡាន រដូវភ្លៀងធ្លាក់លិចផ្លូវ ប្រយ័ត្នអស់លុយទៅរកជាង
ចន្លោះមិនឃើញ
ខែភ្លៀងលិចផ្លូវមកដល់ អ្នកជិះឡានគ្រប់ប្រភេទត្រូវដឹងវិធីថែទាំរថយន្ត កុំឲ្យមានបញ្ហាដោយទឹកភ្លៀងអាស៊ីតធ្លាក់ជោគជាំសឹងរាល់ថ្ងៃ។
ចង់ថែទាំឡានឲ្យបានល្អ លោករដ្ឋាអ្នកជំនាញផ្នែករថយន្ត និងជាថៅកែយានដ្ឋាន វើ សឺស ខេមបូឌា បានណែនាំវិធីសាស្រ្តថែទាំរថយន្តសាមញ្ញ ជៀសវាងខាតប្រាក់កាសជួសជុលរថយន្តខូចរដូវភ្លៀង។
ទី១៖ ហ្រ្វាំង
រឿងសំខាន់ដំបូងដែលត្រូវធ្វើជាចាំបាច់នោះ គឺពិនិត្យនិងលាងហ្វ្រាំងឡាន។ បន្ទាប់ពីជិះហាលភ្លៀង អ្នកត្រូវយកទឹកស្អាតបាញ់លាងឡានឬផ្នែកហ្វ្រាំងឲ្យបានស្អាត ដើម្បីការពារកុំឲ្យច្រេះបណ្ដូលហ្វ្រាំង និងស្ងួតខ្លាញ់ហ្វ្រាំង នាំឲ្យចាប់ស្អិតៗ ដោយសារទឹកភ្លៀងអាស៊ីត។
ទី២៖ ម៉ាស៊ីនត្រជាក់
ត្រូវបិទម៉ាស៊ីនត្រជាក់ហើយបើកកញ្ចក់តូចល្មមដើម្បីឲ្យខ្យល់ចូល ពេលជិះកាត់ផ្លូវលិចទឹកភ្លៀងខ្លាំង។ ធ្វើដូច្នេះ ដើម្បីការពារកង្ហារម៉ាស៊ីនត្រជាក់ឆេះ ដោយសារទឺកភ្លៀងលិចផ្លូវជ្រៅ។ ម្យ៉ាងទៀត អ្នកក៏មិនត្រូវបើកឡានលឿន ពេលជិះកាត់ផ្លូវលិចទឹកខ្លាំងដែរ ជាហេតុនាំឲ្យប៉ះពាល់ម៉ាស៊ីនត្រជាក់។
ទី៣៖ ពិនិត្យមើលផ្លិត ភ្លៀងអាស៊ីនរួមនឹងកម្តៅអាចធ្វើឲ្យផ្លិតកញ្ចក់ឆាប់រឹងនិងងាយបាក់ ហេតុដូចនេះអ្នកត្រូវឲ្យពិនិត្យឲ្យបានញឹកញាប់និងឧស្សាហ៍ឲ្យជាងដាក់ទឹកថ្នាំផ្លិត។
ក្រៅពីចំណុចចម្បងទាំង៣ខាងលើ លោករដ្ឋាថា សំបកកង់ក៏ជាបញ្ហាមួយដែលទាមទារការពិនិត្យឲ្យបានញឹកញាប់ដែរ ដើម្បីធានាថាសំបកកង់មិនទាន់សឹកក្រឡាខ្លាំង នាំឲ្យរអិលពេលជិះលើផ្លូវកៅស៊ូខណៈកំពុងមានភ្លៀង៕
អត្ថបទ៖ ប៉ែត ផាន់និត